Press "Enter" to skip to content

Sui Bo le Paleuh Thang:Biatak in biaruah nak an ngei cang’Zoh an dawh bak(+video)

Kan thei cio bantuk in Paleuh Thang le Sui Bo cu laimi nih capo sei thiam kan i ngeichun mi hna a si hlei ah an nih pahnih hi tu lio a lar tak tak mile mipi nih kan uar taktak mi hna an si’Asinain capo an seih mi hi capo lawng asi lo mipi fimmnak tamtuk a kan peh tu asi bantuk in video hi rak zoh ve ding in kan sawm hna a tang hi video asi.

Atang hi theihtlei asi:

Zei bantuk buaibainak nan ngeih zongah na nupi cungah na kut na thlak bak a si ahcun cu ni thawkin pasal min cazin chungah kei nih cun kan telh ti lo.

Na nupi duhnak zulhpiak ve loin nu cu kheng ṭawl ding, thilsuu ding, inn zohkhenh ding, nau zohkhenh ding tiang lawng in na ruahpiak i a thluaklei le biaknak lei ṭhanchonak zong cawn ah tha na pek lo cun upat awktlak na si in kan ruat lo.

Pasal si ve ko ṭung i, dam ko ṭung i nupi le nih cawm le zohkhenh hauh aa timmi pa cu upat awktlak ah ka ruat hna lo.

Nu te hna cu tiin zawnruahnak siloin nu namnehnak bia na hmurka in voikhat a chuah a si ahcun hmailei na nupi ding khi zaangfak ngai ngai a si manh cang.

Virgin nungak lawng duh ṭung i mah vial duh paoh in tlonlen le duh paoh in nu a kommi na si ahcun mah hngal lo ti naa huah khawh men.

Nupi fel, nupi ṭha, nupi fim lawng duh ṭung i mah vial mah lung lawng i rinh, nu pawl upat lo le mah hringtu nu chimhmi hmanh ngaih lo ahcun nupi loin um zongah a poi tuk hnga lo.
Nupi na ngeih ko buin midang nupi asilole nungak duhnak he na chonhbiak ni thawkin nangmah le nangmah tangah naa thlak nii an si.

Nupi dawh, nupi fim, le nupi ṭha bik vawlei cungah an um lo. Nangmah na nupi le na pasal te he khan i daw le rem tein um u law a fimmi bik le aa dawh bikmi a comi ah naa ruat ko lai.

Be First to Comment

Leave a Reply

Your email address will not be published. Required fields are marked *