Press "Enter" to skip to content

Sui Hlei Tial kong ah:Pu Tum Bik nih’Uico a kan tilo mihi cu’Kan van tha taktak.

Sui Hlei Tial kong ah Laimi a ngeihchia lomi le alung rawk lomi ka um lai lo. kan Tuar dih cio. Ahlei in Ramleng um lai mi hi atuar lawng tuar lo in abo bak in kan bo chim. Thantlang khuachung um khua hnu khuapa, Than Tlang Mino, Pastor, Evan le kan Mp pawl tiang in san an tlai lo tiah sual kan phawt hna. Nan palh nan palh lo ka ti duh nak a si lo.

Angai te ti lo ah cun Myone Ohchohzi hmu cu chim lo Palik sen 0 hmanh nih latpaih ter mi kan rak tampi hna khah. Alang hlat in rak au sawhsawh hi afawi te kho men nain Ram chung ummi caah cun kawl kut tang riantuan cu a har kho men. Cu caah cun TT mino an si ah khuanu/pa an si ah kan theihthiam hna a hau tiah ka ruah.

Bia hal nak( Asi cun nang teh Than Tlang na um lio ah zeitluk in dah Than Tlang uk bawi na rak doh ngam hna? Than Tlang peng khuate na um lio ah teh nan khuabawi nih Lo vah loding an ti tik ah a bia na el bal maw? Kan si ning i philh in Le bia fakfak in Pu Tum Bik cu kan ti. Pu Tum Bik cu khuabawi a si bantuk The Hakha Time bia ruahnak ah TT COVID-19 committee bia an rak khiah mi kha a fianter mi khi a si ko, Sui Hlei Tial Ruak kong ah alung tha ve lo ti kha thei ve uh.Sui Hlei Ruak khamtu lutlai hi Pu Tum Bik a si lo. Lu tlai ti in nan ti.
Lu tlai a si mi hna cu Thantlang Covid-19, I Runven Nak Main Committee hna hi a si ko lai

1. Myone Ohchohzi Hmu —U Aung Shwe Myint ….Chiarman
2. Myone Cianma Zi Hmu ngandam Lutlai TMO , U Thun Pua — Secretary
3. Myone Lahwah Kah hmu ..Member
4. Myone Pingngazi Hmu . .. member
5. Myone Yehmu Palek Bawi .. Member
6. Myone Tatana Zi Hmu .. Member
Mah hna hi an si .

Than Tlang Sipin Bawi Pu Ram Khar nih cun hitin ati. Thantlang Laipawnglung Kaih um nak hi zanlei 4:30 pm ah kan phan I kan phak tlawmpal ah Sui Hlei Ruak phur mi cu a rak phan colh ve . Kan Phak le cang ka in nan dih lak nan lut kho lo tiah U Aung Bu Naupa Myone Pingnga Zi Zung ah Duh Myone Hmu a tuan Mipa U Zaw Lin nih a kan ti . Kan mah he midang motor Cycle tam pi cu an kan Hren dih .
ding si .

Asi cun Aung Bu hi kawl bak a si, Anau pa Myone Pingngiazi zung ah Duh Myone Hmu, U Zaw Lin bak nih nan dih lak in nan lut Kho lo a ti hna khah. Nain Pu Tum Bik cu minung ti in nan ti loh. U Zaw Lin nan au hnawh nak pakhat hmat tel a um maw(U Zaw Lin) nan au hnawh ve lo ka ti duh nak a si lo.

Pu Tum Bik hi kan farnu Sui Hlei Tial ruak kong ah lutlai bik nak leng in nan sik a hmual nan phon. mi nung hi Uico kan si lo nain Pu Tum Bik nih hin Ram leng Uico bo tiah ka khat tetel akan leh lo cu kan van ttha. Ai sum kho tuk lehlam.

A tang nizan ka tial ciami asi:

Khuatlaang runvengtu phu (Community watch groups) US Presidential election nih an ser mi kongah American mipi cheukhat an lungre a thei ngaingai. Cu an sermi phu pawl lakin a cheu cu buaibainak daihtertu rian an i hmaithlaak i, a cheu a taangmi pawl cu meithal an i cawk lulh cang hna, tiah vote petu kul sawmthum hrawnghrang le online groups le Reuters nih dothlatnak a tuahmi data nih an chim.

Nov. election i Trump le Biden kongah biachahnak tuah a har pingpang sual ah cun, ram pumpi ah duhlonak langhternak a chuak phah lai i, mipi lak buaibainak (civil unrest), asiloah miphun buaibainak tiangin a chuak kho mi a si.
A tu bantuk in thil a cang kho mi a si, tiin lungretheihnak a chuahnak a ruang cu, Thursday i Michigan thil a cangmi thawngpang an theih hnu in ai thok. Thursday thilcangmi ah khan, state governor fir (kidnap) tuah an duh ruangah le state capitol innpi doh an duh ruangah a dang minung 13 an tlaih hna, ti a si.

Civil rights siseh, pumpaak ngeihmi thil le ri siseh, cun minung nunnak tiangin runven hau dirhmun hna kan duh na lo tein an kan phaakter taktak sual lai, ti kan phang ngai ko cang, tiah financial adviser a si mi David Powell bantukin a lungre a theimi American mipi an tam ngai cang.

Zeibantuk phu hmanh ah ai telmi cu ka si lo. Cun a tel zong ka duhmi a si pek lo. Phunghman in news a reltu ceu ka si ko nain, ka lungre cu a thei ngai ko cang, tiin North Carolina, Raleigh khuasa Powell, ku 64, nih a chim. US conservatives pawl nih left-wing anti-fascistactivists, tiin an chim lengmang mi antifa misual (antifa thugs) pawl ko hi ka lungretheih mi an si. A herh a si ah cun, kan community runven dingah timhcia ka si ve ko cang, tiin Powell nih a chim.

A cheukhat mipi hna cu Election Day khi ramdang i vocation chuah ai tim na, asiloah ram chung khuakihriang lei pilh ai tim na an si hna. A cheu cu i runvennak ah meithal ai cawk na. June thla khat chung i meithal an cawnman zat hi 3.9 million a phaan i, thla khat chung record sangbik a si, tiah FBI data nih a langhter. Washington le Colorado bantuk state cheukhat le bangah cun AR-15-style rifles pawl ca i zenkuan pawl an i tingzo ti hna lo, ti a si.
AK-47 pakhat kai cawk. Zenkuan man ai deng le kai cawk khawh peng ko rih, tiin Ewing tiin ai timi Denver ah a ummi sihni pakha tnih a chim.

A cheukhat communities le groups pawl cu buainak a tlun tik i daihter rian lawng an i hmaithlak. Asinain, cu hna lak zongah cun meithal ai kenmi an tor i, a herh ah cun kut zong san ai timmi an tam ngai, ti a si.
Oregon, Portland ah cun, buaibainak daihter dingin party khat le khat karlak zalongtein i chonhbiak khawhnak lam onh dingin left-wing activist Dre Miller nih right-wing Proud Boys pawl a sawm hna.

Thilsining tawlrel awk that ti lo dirhmun a phaak sual pingpang ah, khat le khat karlak kahdaihnak umter khawh kan si zuam ah hau. Minak ka si bangin, a tu tiang ko rih ah cun hnungtolh kho ka si ti lo. Ka biar kai kaih cang, timhcia tein ka um cang, tiin minak rights groups J.U.I.C.E a tawlreltu Miller, kum 37, nih a chim. “The Proud Boys” timi biafang Trump nih a hman hnu in a tu bantukin a chim hi a si.

US nih a ton cuahmah lio mi terrorist thihphaihnak (terrist threat) hi mah ko tho tein khuachung runvennak tuah ai timmi pawl le thatlonak chuahpi zei a poi ti lem lo mi ramchung milor (extremist) phu hmtete hna sinin a ra te ding khi a si, tiah Oct. 6 ah Department of Homeland Security nih thawngthanhnak a tuah.
New American think thank i Lee Drutman telhchih in, political scientists tampi nih Oct. i poll an tuahmi zoh tikah, politics he ai pehtlaimi mah le tinhnak cio tinco khawhnak dingah cun (political goals) buaibainak (violance) i hman zong poi a ti lo mi hi an karh chinchin cang i, American mipi vialte lakah cheuthum cheukhat hrawng an si cang. December 2019 lio nakin tamtuk an karh cang, tinak a si.

A tu bantuk buaibainak a chuahnak a hrampi sidawh cem a si mi cu kan election hi a si ko. Buainak lian pipi cu a chuak lo nain, a liamcia kum tampi chungah a chuak ti lo mi buaibainak hmetete cu a chuak ngaingai ko cang, tiah Drutman nih a chim.

Facebook hmang zongin Runvennak an Tuah
Runvennak tuah dingin khua khangtu phu pawl cu Facebook groups siseh, a dang online platforms an i ser i an cawlcang. Thawngpang diklo i hman riangmang in raalkhat lei (political opponent) a tangmi politic minung pawl nih an taarmi buaibainak kong le thilri hrawhmi hei ai pehtlaimi video pawl cu an i phawzaam (share) hna.
August lio i buaibainak a dirpitu hriamtlai phu pawl kham (ban) dingin Facebook Inc FB.O nih phung a ser chap i, a hmai thla chung lila ah Pages le Groups 6,500 a hrawhpiak hna. Asinain, hriamnaam lei le raltuk phunphai ai timtuk lem lo mi online phu hi a zaza in an um ko rih, ti a si.

A tu bantuk i kan ram i social change a um lio ah hin, i hmaithlak dingmi rian kan i ngeih ve ko, tiin ai titu hriamtlai phu le pumpaak in hriamnaam ai ken i runvennak tuah ai timtu an tam ngai cang i, an tha zong a tho chinchin cang, tiah Harvard ah thawngpangdeuh pawl bihzohnak kong i mithiamsang Joan Donovan nih a chim.
Colorado Springs ah cun business a ngeitu Michelle Morin nih amah le mah i runvennak training a kai i, khat le khat kan inn le kan lo kani runvenpiak hna lai, cun nanmah pawl hi kan community ah kan in cohlang (welcome) hna lo, timi thawngpang hi left-wing misual (thugs) pawl kan theihter hrimhrim hna lai, tiin a conservative innpa pawl cu heh tiah a kutrit cang hna, ti si.

Mah le mah i runvennak a lam tampi a um ko, hmeithal nak in hmual a ngei deuhmi lam tampi a um ko rih, tiin registered Republican a si i meithal ai ngeihmi Morin, kum 51, nih a chim.
Tu kum kan election a phichuak hi Nov. 3 ah ai fiang te lo kho men, cu ti a si lai cu khuaruahhar awk a si lem lo, tiin Florida, Orlando ah mipi pawl cu Stephanie Porta ni mipi pawl bia a ronh hna. Zeiti maw hna i mi nih an in dironh sual tikah nan tawlrel khawh hna nak lai, tiin Stephanie nih cun poll a latu le vote petu kilvennak a tuahtu phu pawl a cawnpiak hna.

Buaibainak daihter ning kongkau he pehtlaiin mipi training kan pek lio pi a si, tiah “anti-fascist” ka si, tiin mah le mah ai titu, Organize Florida phu an director Porta, kum 41, nih a chim.
REUTERS

Be First to Comment

Leave a Reply

Your email address will not be published. Required fields are marked *