Tahan Kamte Nat Chaung Ah Minung Pakhat An Kah I A Nunnak A Liam
CNN Chief International Correspondent Clarissa Ward timi nu Kawlram chung a luh cu mi tampi an hna a ngam. Zahan March 30 zanlei 5:00 pm hlan deuh ah Incheon Airport, Korea in ai thawh. Yangon a phan cang i nihin cu lam cung ah ai chok lai tiah theih a si. Ram kip thawngla an kawh-auhnak hna kong hi, kan hnu i Ari Ben Menashe le BBC biaruahnak chung khan hmuh khawh a si.
Ben Menashe nih “a rauh hlanah an lut zau ko lai” a ti ko kha. An itinh bikmi cu, ralkap le palik nih mipi kha ruang lo, sul le lam lo, phung lo rumro in cun an kaap hna lo tiah vawlei mipi sinah theihter an duh. Theih awk: Thai ram ah naite ah mipi lamcung an zawh. An hrang pah ve. Palik nih iṭhen uh tiah nawl an chuah. Mipi nih an zul lo. Tikah, an kah hna. Kawlram kongah, palik nihkhan mipi kha ralrinnak a rak pek lengmang ve tak hna. Mipi lei nih “CDM kan tuah an ti, dotla cozah chuahmi nawl zulh hau lo” an ti caah an order kha an rak ngai lo.
Pu Tawi kuttang palik kha step by step tete in an rak hraanter tak hna ti lam kha cu al awk ṭha lo an si, kan ti ko lai dah.
Case dang Cu lawng si loin, Suu Kyi te phu an tlaih hnanak zong kha a ruang lo rumro in tlaih an rak si lo ti langhter an izuam hnikmi cu si fawn. Thimfung thlaknak ah diklonak a rak um ko ti zong langhter khawh an izuam te lai.
Corruption case in an ipuhmi vialte zong an iphozar te hna lai dah! Hi zawn ahhin Aakak pawl palhnak si te sual hnga maw? Mipi lei doh-autu pawl nih NLD lawng nih kan buaimi si lo. Ram mi vialte million 50 renglo nih kan buaimi si an ti. Party thantar an tarter hna lo.
Cu bu ah, palik le ralkap nih an kahmi hna mithi paohpaoh ruak an vui hna tikah, NLD thantar cu an khuh vek hoi hna. Mah cucu party buainak ah an canter khawh men hnga cu mu. Thairam i Asen le Aihre an rak buai phun in. Cun tah? Suu Kyi zong vawlei mipi hmuh khawh dingin nan langhter kho lai maw?” tiah kan hnu Ben Maneshe bia ihalnak ahkhan aa tel. Cu zong cu Menashe nih kaa zuam lai a ti.
Suu Kyi mipi hmai i an langhter ah cun, Pi Suu nih mipi cu aukhuang ti lo dingin a thlauh te khawh menmi a si. Chim khawh si lo. Mipi caah a him deuh cang lai Ramleng thawngla zalong tein an luh ahcun, khuapi lian deuh mipi caah a him deuh cang lai ti khawh si hnga. Chinram tbk belte cu doh-aunak tuah tikah, iralrin ṭhiamṭhiam hau ve rih ko lai dah. Mi tampi lam cung an chuah tikah an kap theng ti hna lai lo. Nain, doh-aunak cu nawl lak hmasa loin lamcung ah tuah phung si hoi lo, a phung ning tak ahcun.
A si khawh ahcun, Nay Pyi Daw tu ahkhan khua kip in ai thawh kho ding paoh nih chun zan ngol bakin millions in au hnawh ding an si. CRPH nih thaizing in parallel cozah phun thanh an itim ve. Ramleng thawngla pawl an van luh bak in an thanh ve ding zong cu thilṭha ngai a si. Doh-aunak leikap nih zeitindah timhlamhnak an ngeih cu theih si lo. Facebook ah duh paoh cathlah an iralring deuh cang. Ka hmuh lo bia zong si kho ko. An vuan tuk ti lo. thawnglatu
