Press "Enter" to skip to content

Taliban nih Afghanistan a tei hnuah Jaish-e-Mohammed (JeM) chungtel 100 leng cu India, Jammu & Kashmir ah i fonh in India tuk an timh

JeM Nih India Doh A Timh
=====================================

Taliban nih Afghanistan an lak hnuah thonginn in an thlah mi Jaish-e-Mohammed (JeM) chungtel 100 leng cu India, Jammu & Kashmir ah an i fonh than i, India tuk an timh tiah India security agencies nih thawng an theih.

Security Agencies rianngeitu pakhat nih thawng an theih ningah Taliban nih Afghanistan a tei hnuah Jammu & Kashmir tuk dingah timhtuahnak ngei dingin a hnu zulh tu hna biacahnak ah a chim.

JeM le Taliban hruaitu lutlai hna meeting ah JeM nih India ram ah an i timhtuahmi a tlamtling khawhnak dingah Taliban nih bawmh dingin biakamnak an ngei.Afghanistan i thil a cang mi nih ralhrang hna cawlcanghnak tampi a bawmh te khawh mi a si tiah an ti.

India ralkap nih Jammu & Kashmir ah hrambunh mi JeM chungtel hna cu hlan piin a rak doh cang mi a si i, an hruaitu Pakistan mi Mohmmed Ismail le Abul Rashid Ghazi hna cu kan hnu July 31 ah khan Pulwama, Tral area Hangalmarg ramtang ah India ralkap nih an kah/thah.

Mah hna pahnih hi 2019 February 14 Pulwana bomb puahnak kongah India nih tlaih a duh ngai mi (wanted) an si tiah Indian National Investigation Agency nih a chim.

Ismail le Ghazi hna pahnih hi ralhrang cawlcanghnak caah Kashmir valley i JeM umhmun ah mino hna tampi a cawnpiak tu an si i, India ralkap nih an thah ruangah an dirhmun cu chiat lei ah a panh nain, Afghanistan ramchung thil si ning nih an dirhmun a sersiam than khawh mi a si tiah India security agencies rianngeitu pakhat nih a chim.

JeM hi Al-Qaeda le Taliban hna he tangka, hriamnam le ralhrang cawlcanghnak i bawmhnak vialte cu UNSC nih 2001 kum October 17 ah a rak kharphih piak cang mi a si i, Masood Azhar zong UN nih terrorist ah a thanh mi a si.
Ref; The Hindu
The Chin Post

Be First to Comment

Leave a Reply

Your email address will not be published.