Press "Enter" to skip to content

Technology lei Cun India Hi An Thiambak Ve I A Tu Ah Parliament Pawl Cu Thin Phang Ngaiin An Chiah Ko Hna Hih>>>>>

India Parliament A Buai Ter Tu Pegasus Spyware
=================================

India Parliament tha tein a kal khawh lo nak tiang a buai ter tu Pegasus Spyware cu nihin parliament session nih supreme court ah ceih dingin an thanh hlanah media cheukhat nih mah spyware he India mi herhhai taktak cheukhat hna cu ngiat an si tiah an thanh.

Pegasus spyware hmangin Indian mi herhhai taktak an ngiat mi hna ah chief justice hlun Arun Mishra pin ah supreme court registry i minung 2 le attorney general hlun Mukul Rohatgi Jr. hna zong an i tel tiah an chim.

Opposition hna nih Pegasus spyware hi an theih loin a thli in an hman hrimhrim ko ti an theih caah parliament session ah ceih hmasa a si hlan cu thildang kong ceih rih lo dingin an rak chimh cang bantukin parliament session hi zarh 3 chung an thu cang nain spyware ruangah zeihmanh ceih khawh an si rih lo.

Cozah nih Pegasus spyware kong cu parliament ah ceih tlak a si lo a ti nain, opposition party le BJP party hruaitu cheukhat nih ceih ding an duh caah hi kong he supreme court kut ah chiah a si.

Pegasus spyware hi India prime minister Narendra Modi nih 2017 ah Israel a tlawn hnuah India mi herhhai hna phone ah chiah dingin ti a si tiah Israel Harwett tech editor Omer Ben Jacob nih a chim.

Mah spyware hi India lawng si loin Europe ram tampi nih an buaipi lio mi a si. Mah spywate hmang in Germany le France hruaitu hna biachimhmi zong a thli in an ngaih tiah theih a si.

Hi kong he pehtlaih in Omer Ben Jacob nih 2017 ah india prime minister a tlawn hnuah India nih a target mi lakah India mi herhhai hna an telh mi a si tiah a chim.

Pegasus spyware hi Israel cyber-arm firm NSO group nih an ser mi a si i, mobile phone device ah a ngeitu theih bak lo in luhter khawh mi a si.Phone chawnhnak vialte record dih khawh a si pin ah text message le whatsapp cakuat vialte a rel kho mi a si.

Password zong lak khawh a si i, email, hmanthlak le video vialte zong a lak khawh mi a si. Camera le microphone zong record khawh a si pin ah an hlat duhmi phone ah call bakin phone a lak lo zongah chiah khawh mi a si.

Pegasus ser tu hna nih an thil ser mi cu cozah sin lawng sualnak hlatnak caah zuar a si an ti nain security lab of amnesty internatioinal nih phone tampi an zohfelnak an tuah mi ah Pegasus nih security a buar tiah thei a si tiin the aizawl post nih a tial.

RF: The Chin Post

Be First to Comment

Leave a Reply

Your email address will not be published.