Press "Enter" to skip to content

Thailand Beauty Queen thing Ms Krisana Suwanphithak nih a sin um nute a thah

Thailand Beauty Queen thing Ms Krisana Suwanphithak nih a sin um nute a thah ruang ah palik nih an tleih. a dam chung in thawngtlanding in biakhiah nak an neih cang mi cu nawl nak an neihthan ruang ah kum 20 lawng thawngthlak ding in an ti than i a sin um nu a nu cu a ngeihchia tuk hringhran.

Ms Krisana Suwanphithak cu muidawh zuam nak ah a rak i trl bal mi a si, February 2012 ah sin um tleirawl te cu kum 15 mi Jareeya Srisak a rak lak. Ms Krisana cu zumhning bantuk a rak si loh a lung a rak tawi tuk mi a si i, mi choachia taktak a rak si.A sin um nu te cu a hrem zungzal i a vuak peng.

A taksa pawl hna hi mei in a khanghpiak i a lu ah hin fak taktak in a tuk tawn ruang ah a celh ti loh i a thi. hliamhma faktuk in a tuar nain an zohkhenh duh lo ruang ah a nunnak a liam. A naupa le a hawinu nih an bomh hna i an sin um nu ruak cu hmundang ah an va phum.

Jareeya Srisak cu a thawngpang an theih ti lo ruang ah, palik pawl nih an kawl cuahmah i, 2017 kum lawngah a ruak hi an hmuh khawh. Cuticun, a pi Beauty Queen thing Ms Krisana Suwanphithak cu an tleih, asinain zeihmanh ka theih tung lo tiah hrawkhrawl a rak chimh hna.

A naupa nih cun thilhman a phuan dih ruang ah, a chanchung thawngthlak ding in biakhiah nak an tuah piak. A hawinu cu kum 2 chung thawngtla ding in biakhiah nak an neih piak nain, tette tha mi ai neih caah thla16 chung lawng thawngtla dingin bia an khiah piak.

A naupa Pramote zong kum 2 chung thawngtla dingin Case siampiak a si nain thilsining a phuangtu a sicaah, kumkhat lawng thawngtla dingin an thumh piak. Cu hnuah 200,000 baht in tuah piak veve an si.

Naite ah khan Ms Krisana Suwanphithak i konglam cu court nih a buaipi than i, an nawl peng hna caah kum 20 chung lawng thawngtla dingin an thumh piak ve. An sin umJareeya i a nu sin ah 1.06 million baht pe dingin an fial i, bomh nak ah March 5, 2012 in ain um a ṭuan man zong pe dingin fial a si.

A thawngtlak ding kum zat an ṭhumh piak ruangah Jareeya i a nu cu a lungawi loh, ‘A thiltuah mi cung ah i chir nak zong a nei loh i, vawikhat hmanh zong a ka chawn loh i chir nak zong a nei loh cun ngeihthiam nak zong a ka hal duh loh a ti. A fanu thattu i minung thawngtlak ding kum zat an ṭhumh piak ruangah Supreme Court ah buai nak a chuah pi lai tiah thawngtheih a si. (CRT)

Be First to Comment

Leave a Reply

Your email address will not be published. Required fields are marked *