Press "Enter" to skip to content

Thaizing sunday 2:30pm ahhin 700 million dih in kum 3 leng rau in sak mi inn pi cu an sak dih hlan ah 9 seconds ah hrawh a silai

Thaizing sunday 2:30pm ahhin kan umnak Delhi NCR ah inn ngan taktak hrawh ding in India cozah nih nawl a chuah cang. Cu innpi cu “Supertech Twin Towers” tiah an auh. Inn pahnih aa phir i dot 40 an si i pee 340 tluk an sang. A saknak ah India phaisa in 700 million an dih cang {inn aa lim rih lo} i kum thum leng an rau.

A dihlak ah flat ihkhaan 3 ummi room 915 a um i room khat ah India phaisa ting 113 in an zuar caah an tinhning tein rak zuar kho dih hna sehlaw India phaisa 12,000 million an hmuh hnga. An saknak man man an dih ciami 700 million zuh hnu ah 11,300 million a miak hmu ding an si.

Asinain an ruahning in thil a kal ve lo; cozah nih inn sakning phunglam tam tuk nan buar caah nan inn hi a dihlak in kan hrawh dih lai i a hrawh man a dihmi India phaisa 200 million nanmah nih nan liam lai, tiah an ti hna. Cucu atu Sunday zanlei 2:30pm bak ah an hrawh lai.

Lung a fak khun mi cu, Inn hrawktu dingah an hlanmi expert pa nih “hi innpi hrawh hi second 9 lawng a rau lai ee” tiah a ti. Phaisa kha tluk tam dih in kum 3 chung bak ruahchannak nganpi he an sakmi innpi cu second 9 chungah hrawh dih a si ko lai. A fak bak ti u…

Sau tuk an sakmi caan tawi tuk 9 seconds lawng i an hrawh dih dingmi le Tam tuk miak ding an i tinh lio ah tam tuk an sungh dingmi hi poi ka ti tukmi cu si. Hi nihhin nun tam tuk a kan cawnpiak nain keimah nih ka ttial chih lai lo, Bawipa nih cawn dingmi kan pe cio ko seh! Hrambik Lian

Tthit umnak tuah hlan ah Facebook ah na DL he nan pahnih hmanthlak taar hi zeihe dah a lo tiah cun nam a har mi cung lamkal he a khat. I duh poh in i co a si lo a ruang tampi ruang ah i tthen sual uhlaw a fak bik ding hi na thinlung a si lai lo na uahnak (ma-nah) le nu na sinak a man a tla dih lai.

Tthinlung fah cu a thlitein tap khawh a si ngaihchiat khawh a si. A sinain na man(values) a tlak cang hnu cu fawi tein na remh kho ti lai lo. A sinain theihthiam nak um lo ruang ah thil fate te ruang ah a tthen mi cu mithmuh in an tam tuk, A hlei in nungak a zakaa tete pawl theih herh mi an si.

An nih hi duh i thok ka ahhin cun hnu hmai zoh lo in nuamh nak nih a teituk hna i DL le he hmanthlak post an hmang theu tawn. pakhat khat ton sual a si cun Nu hi a fak deuh peng ding nan si,a hnu ah nan duh tak mi pa he nan i ton tik ah hmape chia ah an cang dih te lai.

Iduhnak ah a ho poh duhnak nawl na ngei dih ko a sinain thitumnak nan ngaih hlan ah fb ah nan pa2 hmamthlak cu taar lo ah a ttha. Thitumnak nan tuah cang hnu ah taar kawh an si ko, nan i nuamh nak , a nuam mi chungkhar nan sernak , nan duh mi hmamthlak ah like le comment ah nuam tak in tuah kawh a si ko.

A tak tak le a ngaingai ti ko ah cun facebook ah nan pahnih hmamthlak theng post hi duh nak tak a si hrim lo tuchan nungak tamdeuh nih an i palh tawn. Ruahnak tampi ngeih lawng ah nun hi a nuamh bantuk in khin, thuh a herh mi le sum a herh mi cun i sum ding khi a si ko.

Na duh dawt mi nih fb ah kan pahnih hmamthlak na taar lawng ah kan duh lai an ti a si cun kal tak ko.A mi duhnak kha hruhnak lei a kal mi duhnak an si. Duhdawt nak a tak tak cu thinlung chung lawng ah a um, zumh nak tak cu thluak chung a um duhnak hi facebook ah a um lo.

minung kan si bang zalong tein um khawh a si, a sinain kan nun nak caah zei dah a herh deuh ti mi kha ruah thiam le tuaktan thiam a herh. FB hmang mi ka nau le nih thil sining hi a dik in thehthiam kho uh law hmailei nan lam ah zalong tein vawlei a tlai kho mi nutling patling dirhmun in hmun hram cio ko u.

Be First to Comment

Leave a Reply

Your email address will not be published. Required fields are marked *