Than Shwe Le Min Aung Hliang Hi Tlai Hna Sehlaw Kan Ram Hi A Tha Deuh Hnga Maw?
Kanram hi a tu ning in a buai peng ko ahcun nikhat hnu nikhat in palik nih meithal an hman chin lengmang lai. Ralkap nih meithal an hman te lai. Cuticun zarh khat tluk mipi nunnak liam le thisen chuak in kan um ahcun US le a hawi le ram hna nih Kawlram hi an zoh sawh hrimhrim lai lo.
Holh le hmurka cun an ti tuk cang. Uknak na lakmi ngol, na tlaih mi hna thlah hna law teitu party sinah uknak pe an ti tuk cang. Min Aung Hlaing nih a duh hlei lo i zarh khat tluk buainak a fah chinchin ahcun US nih a zoh sawh bak lai lo.Zarh khat tluk ah Bangladesh le India ram ah US nih a raltuknak Vanlong le Tilong a van phak ter lai. Cucu Min Aung Hlaing nih tih seh, lau seh ti lawng a si rih lai.
Cu bu ah Min Aung Hlaing nih zei a rel lo i mipi thah le nawn in a can a pek rih ko ahcun zarh hnih hnu ah US le a hawi lei ralkap nih zamtim ah Naypyidaw khuapi cung ah raltuknak Vanlong thawng ring taktak in an zuan ter lai.
Khan cun Min Aung Hlaing a lau cang lai. A tih cang lai. US ralkap nih misual pa Gadifi an rak tlaihnak le Sadam Hussein an tlaihnak kha a mitthlam ah a cuang cang lai.
Tlawmpal ah Min Aung Hlaing nih China le Russia a hei chawnh hna lai. A tu hi boruak a tha ti lo caah nan kan zuan hnawh a hau.Sui le lungvar tampi kha an mitthlam ah a cuanter hna lai i a chimh hna lai. Ni tlawmpal ah China raltuknak Vanlong kha Kachin ramri le Shan ramri hrawng ah an hung zuang lai. Naypyidaw ralkap Airpory ah China raltuknak Vanlong pahnih thum an van tumter thulh lai.
Mipi lamzawhnak cu a linsa chin lengmang ko lai. A thimi le nunnak liammi an karh chin lengmang lai. US le a hawi le ram an i sum kho ti lai lo caah Kawlram cu ke ralkap he Vanlong ralkap he thla khat hnu hrawng ah an phomh colh lai. Cuticun Min Aung Hlaing te pawl, Than Shwe te pawl an tlaih dih hna lai i Kawlram cu ram thar ah kan ser khawh lai.1988 lio bantuk in US nih Kawlram hi letpeih cun a zoh sawh hrimhrim ti lai lo tihi ka zumh. US nih Kawlram hi a kah ko ahcun Canada, Australia, British, France, Germany, South Korea ram pawl nihhin ralkap le hriamnam thazang in US an telpi lai. Credit: Andrew Tum Tling
