Nihin May 16,2022 zing ah Thantlang ralhrang sakhan ah Kawl ralhrang Helicopter a rak phan ti a si. Zei set a rak tuah cu an thei lo. Sinain tha tein an ngiat i an zoh tikah sakhan ah a ummi ralhrang pawl hi a rak lak mi hna a si lai an zumh. Kan ralkap pawl nihcun ralhrang Helicopter cu kah kan duh tuk nain a kah khawhnak a um lo caah lungsiaherh ngai in kan cuan sawh ko tiah an chim.
Thantlang ummi ralhrang pawl hi an lak hna lai zumh a um ko. Zei ruang ti ahcun Thantlang um ralhrang pawl hi zei hmanh an tuah ti lo. An um sawhsawh ko. Thantlang ah mipi zong an um ti lo i hngah awk a um ti lo. Kahnak zong a um fawn ti lo. Kawlram ah ralhrang pawl hi hmunkip ah an i deih fawn ti lo. An i phaza fawn ti lo. Cu ruang ahcun Thantlang um ralhrang pawl hi tu zing ah Helicopter nih a rak lak hna lai zong zumh a um ngaimi a si.
Raltu tung loin sakhan ah um sawh i um peng kha Nay Pyi Taw lei nih an duh lai zumh a um ti lo. Sakhan chuahtak in Helicopter in lak mi ralhrang tampi hmun tampi ah an um cang hna. Thantlang sakhan ahhin ralhrang an tam lai zong zumh a um ti lo. Thantlang ah ralhrang thazang an i chap khawh lonak zong kha a sau tuk cang. Kha lio ah khan i kahnak ah a thimi an um lengmang fawn. Hliamtuar mi zong an um lengmang fawn caah ralhrang an tam lai zumh a um lo.
Thantlang sakhan cu chuahtak cang han sehlaw a tha ko. Thantlang peng cu a dihlak in kan ralkap nih an uk mi hmun si cang seh. Thantlang ah ralhrang an um peng caah Hakha lei tlunkalnak zong a harsa ngai. A fiang thlu rih lomi a si caah a hnu ah thawngpang kan van update than te lai. Credit; AC
Thawngdang Relchap>>>><<<<< Ruah Len Awk Ramkhel – 5: AA kong hi tulio ah dide ngaih a tong bik lai dah. AA le KAWL ralkap i tuk ding kha zapi bawhmi a si. NLD cozah chan ah kum 3 ringlo an rak i tu. Mah lio ah KAWL nih AA cu fak tuk in bia an rak chalh hna. Tutan ah KAWL lila nih AA kha KAWL ralkap he i tu dingin heh le chet an lemsoi t’han hna.
Rakhine hi 1947 ramkomh ser lio ah aa telmi an rak si lo. KAWL nih a penmi an rak si ca Burma tangah khua an sak lio a si. Mah lio ah Rakhine nih State ngah ding an rak cawl len nain an ngah kho lo.
Nihin ah Rakhine cu AA nih Rakhine Lamthluan in a kalpi cuahmah hna. Anmah Rakhine hlawknak ding ca lawng khua an tuak. (an tuaktan hrim awk a si ko) Ho nih dah a kan ukhruai ti nakin kan miphun nih zei dah a hlawkpi lai timi an tuaktan. NUG a si pek, Kawl ralkap n si pek AA duh ning in an zulhpiak khawh lai zumh a um tuk lo.
AA le KAWL ralkap hi fawibai in an i tu lai ka zum lo. I tuknak a va chuah hmanh ah duakdak khi a si te ko lai dah. Fak in i tuk dawh an si lo.
Miphun sinak aa khat lomi tampi kha RAMKOMH ser aa timmi kan si tikah mah miphun hrambunh in khua tuaktan cio a herh ko lai dah. Crd; Salai Thawngpi
Be First to Comment