Press "Enter" to skip to content

Thantlang Inn Kangh Ruangah Tlangcung hriamtlai Pawl Kan Lungrualnak Ah cang ko hih

Ralhrang nih Thantlang khua an khangh mi kong ah Tlangcung Hriamtlai cheukhat cathanh le Bia. KIO (Kachin): Kan unau Thantlang khuami nih nan ton mi kan in ngaihchiatpi hna. Min Aung Hlaing te phu nih zeitin an i silhnalh i an i maimilh len zong ah an tuah mi sualnak cu an thup kho lai lo.”

KNU: “Thisen in kan unau Chinmi ngaihchiatnak kan i hrawm i Ralhrang an hrambawnghti ding Chinmi sin ah fek tein kan dir.” Phu 3 komh, AA (Rakhine), MNDAA (Kokant), TNLA (Ta’ang): “Kan unau a si mi Chinmi (Thantlang khuami) nih an tuar mi kan tuarpi hna i anmah he hi dohthlennak tei ding ah kan dirti.” Crd; The Hakha Times

Relchap; Hakha Lamtonnak pawng KBZ Bank hmai ah Kawl ralkap nih khuami a tlawmbik 5 tlaih. Nihin November 1 zaan 9:00 hrawng, Hakha lamtonnak pawng, KBZ Bank hmai (Pale Store-2 pawng) ah Kawl ralkap (Ralhrang) nih khuami 5/6 hrawng an tlaih hna, tiah kan theih. “Motorcycle in aa chok mi kha an tlaih hna.

An check hna. An khuk an bilter hna hnu ah palek motor le Honda raang mi motor pakhat an ra. Uniform aa hruk lo mi pawl nih khuami 5 or 6 cu motor cung ah an kaiter hna i an kalpi hna,” tiah khuami pakhat sin in kan theih. Aa chok mi hi anmah cu palek motor in an kalpi hna i an motorcycle cu thlanglei ah an zuanpi, tiah kan theih.

Be First to Comment

Leave a Reply

Your email address will not be published.