Press "Enter" to skip to content

Thantlang Inn khangh Kong Hi Zoh Ve Hmanh, Na Celh Lai Lo

Nihin November ni 24 zaan lei suimilam 3:30n hrawng ah Thantlang khua inn an khangh than tiah kan theih. inn a khangh nak hmun hi Thantlang thlang lei deuh ah si dawh asi, alanghlat in a si caah kan fiang kho ve lo, inn zei zah dah akang ti mi kong zong fiangin kan thei kho rih lo, mei cu akang cuah mah ko.

Hi inn khang tu hi ralhrang nih an tuah mi si, khua chung ah ralhrang dah ti lo mizei hmanh an um ti lo tiah alangtlang in mit hmutu pakhat nih The Chin Post ah achim. Thantlang dirhmun zoh tikah, September 28 in nihin tiang, a tlangpi in Thla (2) chung lawng ah SAC ralhrang nih voi (5) bak an khangh ti nak a si.

Nihin November 24, 2021 ah an khangh mi hi a voi (5)nak an kan khangh piak nak a si cang. Hi tluk in an kan tuah mi ruat tikah thinlung a faak ngai ngai ko.

September 18, 2021 ah Thantlang khuapi inn (19) an rak khangh i cu lio ahcun kan pastor pakhat (Biak Kolh) an kan thah piak kha asi. Cun October 29-30 ah a voi 2nak faak ngai in an kan khangh piak than kha a si i cu ahcun Thantlang inn 160 le Biakinn pahnih ciam dihlak in an kan khangh piak kha a si.

Cun November 6, 2021 ah Thantlang cu an khangh than i hi ah hin inn (😎 a rak kaang chap. Cun November 9, 2021 ah inn (😎 an kan khangh piak nolh. Cun nihin November 24, 2021 ah Thantlang an kan khangh piak nolh hi asi.

A nithla le a caan khi zoh uhlaw thla(2) chung ah voi (5) tiang bak Thantlang an kan khangh piak hi a si cang. Nihin ah a kaang mi inn hi zeizat satdah a si timi theih a si rih lo. Crd: V.O.M journal

Be First to Comment

Leave a Reply

Your email address will not be published.