Press "Enter" to skip to content

Thantlang khua bawi:Pa nih Sui Hlei Tial Kong’ fiang lakin a rak phuan cang(+video)

Khuabawi Pu Tum Bik nih Mai Sui Hlei Ṭial ruak luhpi a duhlonak le a pu le kawl bawi soisel a duh lo nak kong The Hakha Times ah a chim.

Thawngpang dang asi a tang hi:

Coronavirus hi tti_ah i dawnhter hlah u,” tiah USA president Donald Trump nih a chim tikah hin zeidah a ruahnak a si hnga? Trump uartu na si le si lo kha um rih seh, nihin vawleipi nih kan ton cuahmahmi hi mang a si lo, cang a si ko ti hi fiang tein kan theih. Coronavirus cu tih a nung taktak lo maw? A bikin ram sifakbik Chinram khuasa Chinmi caah ttih a nung lo maw?

𝗛𝗶 𝗰𝗮 𝗸𝗮 𝘁𝘁𝗶𝗮𝗹 𝘁𝗶𝗮𝗻𝗴 𝗶 𝗨𝗦𝗔 𝗮𝗵 Coronavirus in a thimi 214000+ an si cang. USA tuanbia ah ralpi pali an tu i an zapi fonh a thimi hi tutan Covid-19 nih a nawnmi hna zat a si naisai lo; Vietnam-ral: 47242 Korea-ral: 33686, Iraq-ral 3836, le Afghanistan-ral: 1883 an thi. USA ah amah te aa thatmi kum tin 44895 hrawng an si, i mawtaw eksiden in kum tin 38000 hrawng an thi. Mah vialte fonh zong ah Covid-19 nih a nawnmi hna an tamdeuh. USA zong ah Covid-19 in Chinmi an thi. Asinain Chinram ah Pathian dawtnak in Covid-19 in a thimi kan um hraw lo. Kan lungput le kan zumhnak tu hi a thideuh cang.

𝗥𝗮𝗺 𝗰𝗵𝘂𝗻𝗴 𝗸𝗵𝘂𝗮𝘀𝗮 𝗸𝗮𝗻 𝗰𝗵𝘂𝗻𝗴𝗸𝗵𝗮𝘁 𝗽𝗮𝘄𝗹 ka sia an herh tuk hna i ka chawnh pah lengmang hna. Covid-19 an ttihning, khua le peng kip i Covid-19 kawmetti an i ralring tuk ning te hna an ka chimh ve. Mah tikah ka zaang an fah a zual, a ruang cu Laimi hi innpa he ai lengkaimi kan si, pumhkhawmh a duhmi kan si, Khrihfa nunphung a tlai cangmi kan si caah hin Pathian thangtthat tti khawh lo hi ka lungsia an herh bik. Cucaah voi tam ngai cu “ttih tuk ding a si lo cu, tlangrai bantuk a si cang ko lai,” ka ti tawn hna. “An caah a dik lo,” “It’s not fair” a ruang cu anmah nakin cozah tthadeuh, sii-ai le siibawi tthatdeuhnak ah ka um lawng si loin ruahchannak a tamdeuhnak ah ka um caah a si.

𝗥𝗨𝗔𝗛𝗖𝗛𝗔𝗡𝗡𝗔𝗞 𝗵𝗶 𝗺𝗶 𝘃𝗶𝗮𝗹𝘁𝗲 𝗻𝗶𝗵 𝗸𝗮𝗻 𝗵𝗲𝗿𝗵. 𝗔 𝗯𝗶𝗸𝗶𝗻 𝗻𝗶𝗵𝗶𝗻 𝗮𝗵𝗵𝗶𝗻 𝗸𝗮𝗻 𝗵𝗲𝗿𝗵 𝗸𝗵𝘂𝗻.
COVID-19 nihin hin Democracy a tlaihhrem khawh caah ram kip ah Democracy ning si loin nawlngeihnak hmang in cozah an lor cuahmah ti kha an hmuh. Cu lawng a si lo, nuhrin covo hrimhrim kha a tlaihhrem. Minung nih nitin kan tuah duhmi a kan tuahter kho lo, ttihphannak a kan pek. Pumhkhawmh le i lenkai cu um rih seh, ai dawhhriami le chungkhar hmanh lungduh in um tti khawh a si lo. Zalonnak a hmu bal lem rih lomi kan miphun kong ka ruah ah ka lung a fak. Nan lungretheihnak le nan ttihphannak hi a langtlang in kai hrawm ve.

𝗩𝗮𝘄𝗹𝗲𝗶𝗰𝘂𝗻𝗴 𝗮𝗵𝗵𝗶𝗻 𝘇𝗲𝗶𝘇𝗼𝗻𝗴 𝘃𝗶𝗮𝗹𝘁𝗲 𝗻𝗮𝗸𝗶𝗻 𝗮 𝗻𝗴𝗮𝗻𝗯𝗶𝗸𝗺𝗶 𝘁𝗵𝗶𝗹 𝗽𝗮𝘁𝗵𝘂𝗺 an um, i cu hna cu “Zumhnak, Ruahchannak le Dawtnak” an si, tiah kannih Khrihfami hna nih cun Korin-cakuat chung hi kan duhbikmi a si. Kan hmette in Church School in kan rel i bupi pumhnak ah Pastor te nih an sermon, an kan cawnpiakmi a si. I nunpi awk a ttha tukmi a si. COVID-19 nak zong in a ngandeuhmi cu mah hi pathum hi an si timi te hi ka dawtmi Chin miphun vialte, le Thantlang peng nan sinah chim ka duh.

Tutan i Thantlang ah kan tonmi thawngpang pahnih kong ka ruah tikah I.Korin 13:13 hi ka lungah a chuakmi cu a si. Kan Lungpi le kan khamhtu Khrih kan zumhnak, cun kan miphun pakhat le pakhat kan i zumhnak, Kan i ruahchanmi zungzal nunnak le kan thih hlan i a tthadeuhmi thil kan i ruahchannak, cun Pathian a kan dawtnak le Jesus cawnpiakmi “innpa dawtnak” hna hi COVID-19 kan tlaihhremter, kan i teiter tuk lawmmam ko rua hlah maw tiah ka lung innka ka khar zong ah a bauh in a bauh i a chuak.

𝗡𝗮𝗶𝘁𝗲 𝗮𝗵 𝗸𝗵𝗮𝗻 𝗬𝗮𝗻𝗴𝗼𝗻 𝗶 𝗖𝗮𝗻𝗰𝗲𝗿 𝗮 𝘃𝗮𝗶 i thlawpmi kan Pi pakhat (Khualhringtlang) cu a nunnak caah ruahchannak a um ti lo tiah Thantlang ah an huntlunpi i Thantlang Covid-19 kawmetti nawlchuah ning bantuk in Townhall ah Quarantine an pek hna, i cu kan pi cu a zual caah Siizung ah an chiah. Nain a fanu cu Townhall ah a um caah zohkhenhtu hmanh a ngei lo. Cu ticun Cancer in a zawtmi thinphannak, ttihnak le ruahchannak a ngei ti lomi tarnu cu mitthli le hnapduk he a ttap i siizung ah hramhtu ngei lem lo in a nunnak a rak liam. Pastor le a dang pahnih-thum nih a inn ah suimilam pakhat hrawngte a ruak an suan i an vui colh.

Cancer in a thimi a si, Coronavirus in a thi lo tiah kan ti khawh nain nanmah cio kha hun i dap u law, zeitindah nan ruah lai? Saram thih in a thi ko lo maw? Zawtnak in a thi ding a si hmanh ah a thaw a cah hlan cu ruahchannak a ngeih awk a si ko lo maw? Zumhnak a ngeih khawh awk a si ko lo maw? Dawtnak a co le dawtnak bia a fale a hawile sin in a hmuh khawh awk a si ko lo maw? Phung le lam hi minung nih kan sermi a si. Hi phung le lam hna hi zeitluk in a tthami phung hmanh Dawtnak, Zawnruahnak, Ruahchannak a pe khomi le zumhnak a tthawnter kho lomi cu pakpalawng kha a si ko.

Vawleicung i democracy tthabik ram ah khuasami ka si tikah zeitluk indah a sunlawi kha ka fiang. Cucaah zeihmanh ka si lo nain ka chuahkehnak ka ram le ka miphun caah hin ka ti khawh tawk ka nunnak cheu nga cheu

Be First to Comment

Leave a Reply

Your email address will not be published. Required fields are marked *