Press "Enter" to skip to content

Thantlang khua sa:Covid-19 zawtnak ngeimi Case-182 cu voihnih test an tuah i Negative asi caah Hakha Siizung in ṭum ter asi cang.

Chin ramkulh, Thantlang peng in Covid-19 zawtnak a ngeimi Case-182 cu Hakha siizung ah chongh hramh asi bantuk in avoi 6nak le avoi 7nak test ah zawtnak aum lo tiin Negative a lang caah siizung in ṭum ter asi cang tiah theih asi.

Kum 32 asi mi Case-182 cu Hakha siizung in a umnak Fanthen khua, Thantlang peng tiah ṭuanvo ngeitu pawl nih motor a dang te an tawlrel piak i an tlun ter, Chin ministers asi mi Minister Pau Lun Min Thang, ramkulh cozah chungṭuan U Toe Win le a dang ṭuanvo ngeitu, Hakha GAD in U Aung Ko Oo, Hakha peng bawi U Myint Oo le a dang ṭuanvo ngeitu pawl nih thazaang peknak le a herhmi tawlrel pinak an ngei kho.

Case-182 hi Malaysia ram in a rak tlung mi asi, Thantlang peng siizung ah Facility Qurantine in aum lio caan ah National Health Lab Department (Ygn) siin kuat mi covid-19 test phichuak ah positive asi caah May 16 ah Hakha siizung ah ṭhial in zohkhenh asi. Cu tin aum chung zong ah a ngandam.

Avoi 6nak le 7nak test ah zawtnak aum lo tiin Negative a lang caah siinzung in ṭum ter asi. Thantlang peng, Fanthen khua ah Home Qurantine in ni sarih aum chap a hau lai. Atu zong ah a dam ṭha ko i thader le lungrawk in aum lo nak ding caah tiah ramkulh Minister le a dang ṭuanvo ngeitu pawl nih thazaang pek nak he caan an hmang tiah theih asi.

Photo credit: Taungzalat Time Media

Be First to Comment

Leave a Reply

Your email address will not be published. Required fields are marked *