Biahram domhnak ah Thantlang thilri le Dawr thil tibantuk a foinakcun Thantlang thiltlau mi ti ko usih, khi vialte a latu khi CDF nan kan puh pah, a hleikhun in mifir a simi cu fir a puhtu mipi cheukhat hi kan rak si deuhtuk hna, Atu tiang Thantlang khuachung luhchuahngam a sinak tiang ah khin Skat motors nih phurhkhim ding thilri hi chungkhar pakhat inn ah hin zeihmanh a um ti lo.
Belkheng ihnak, puan thuden cabuai tibantuk lawng Thantlang i kan inn hna ah khin an um cang hna. Nain nihin tiang Thantlang ah Skat motors in kan kalpeng i thil kan thiarpeng rihmi ruah awk a um ngaingai, a cheukhat cu nan inn pa chakthlang ah nan lutchuak i nan duhmi poh kha nan i lak hna mifir dawh kan si hih bantuk minung hi khua awng pem lonak a si hih.
Keimah pumpak hrimhrim nih ka hmuhmi nan tam, Cozah Zung le Office pawl ah nan duh herh nan kawl i nan hmuhmi poh nan i lak,Tutan Thantlang nih kan ton ruangah ai nuammi a rummi a thangcho mi kan tam lai ning hi a mak. Sahngar ai nuam Arpi a tap tikha kan chuak bak. Thantlang ah khin nanmah lawng nan lut lo nan hmuh lonak hmun hma le kaa zawn ah khin Duty an um peng philh hlah usih.
A cheukhat khua le bang ahcun Laithil thuam Bawngbi le Angki ai cawk kho lai lo zeitik hmanh ah a ngeih theihbal lo mi nih atu ahcun pali nga hna an ngei dih hna an ti zeitin kan si khawh lai heh tiah kan in ven hna cu lak ah kan mah le mah damiah kan rak i taih cu caan tha ah kan lak riang mang mi hi Pathian hna kan tla lai lo hih.
Cu chinchap ah Lahva nelkuang hrawn ah a um mi Zawng tah tiang in mah le ta inn le lo thilri bang kan in zoh riangmang hna i Zuar awk hna ah kan va lawh rihmi hi tla lak in kahphu dawh kan si cuh.
Mah thilri le mah ta a si lo mi cu tawngh bak lo ding a si ko. Thilfir nan duhtuk ruangah Thantlang a lutmi le Lahva kuang a phan mi nan tamtuk, a taktak ahcun Mipi deuh hi thillatu a firtu cu kan si deuh hna.
Kan inn a si le si lo an thei lo cuh tiphun in Thantlang ah nan lut riangmang i an thilri nan laklio hi voitamtuk kan hmuh cang hna Thantlang ah nan um bal kan um bal cio a ho inn a ho inn kan thei dih lo nain kan theih hngalhmi hna inn ah nan luhchuah hi hmuhpah lengmang nan si ca ah Fiangtein ka chim ngam. Van thinh deuh ko hna usih, Pathian lung kan tlin lo ahcun Pathian nih teinak a kan pe duh lo sual lai.By : Salai DK
Be First to Comment