Press "Enter" to skip to content

Thantlang Kongah US Dai Tein A Um Kho Ti Lo, A Van Cawlcang Taktak Cang!

Ralhrang nih Thantlang khua an khangh mi zoh tik ah tihnung le fihnung riantuannak a si, vawleipi nih dan a tat hau: Edward Ned Price. October 29 zing in zaantim tiang Ralhrang nih Thantlang khua inn 164 an khangh mi hi tuksuum a si i fihnung mi riantuannak zong a si.

Vawleipi nih dan a tat a herh, tiah US Ramdanglei Minister Zung Spokesperson Edward Ned Price nih a chim. “Khrihfa biakinn le inn an khangh mi siseh, Chinram ah Kawl ralkap hna cawlcanghnak hi fihnung a si i cucu American dirhmun in kan dohkalh i kan thinphang ngaingai,” tiah Edward Ned Price nih a chim.

Min Aung Hlaing le a naule nih hin rammi zei an rel hna lo ning le nuhrin covo an buar ning a fah zia a lang i cucu tuanvo a lak a herh lai pin ah vawleipi nih hriamnaam zuarh ding a si ti lo. Cucaah, Myanmar ram democracy lamthluan ah a kal khawh than nakhnga a cawlcang mi mizeipoh he kan dirti peng lai, tiah a chimchap. Crd; The Hakha Times

Relchap: Bago ramtthen nitlaak lei kap ah ummi Moe Ngeo timi khua ah USDP hruainak in tuahmi Min Aung Hlaing le a ralhraang pawl cohlaannak puai tuahnak ah a kalmi hna cu minung pakhat ah Kyat 10000 le changreu an pek hna tiah mah ralhraang cohlaannak puai ah kalmi hna bak nih an chim.

Myanmar Military's Vast Business Revenue Enables Abuses, U.N. Says - The New York Times

“Ralhraang cohlaannak ah nan i tel ve ah cun minung pakhat ah Kyat 10000 le changreu kan in pek hna lai tiah an rak kan chimh ruangah kan kal, kan chimmi nan ngaih ah cun a za ko tiah an kan ti, lam zawh ding le hmanthlak ding si ah cun kan mah caah ttih a nun ruangah kan ra lai lo tiah kan chimh cia ve hna” tiah ralhraang cohlaannak puai tuahnak ah kalmi nu pakhat nih a chim.

A luan ciami October ni 30, kum 2021 zing suimilam 9:00AM ah khan Bago ramtthen nitlaak lei Thayawaddy district, Moe Ngen peng, Shwe Uhdaung sang, ralhraang palik sakhan hmai ah ummi bawlung certual ah USDP pawl hruainak in hi ralhraang cohlaannak puai hi an rak tuahmi si i minung 200 hrawng an i tel tiah an mah ralhraang cohlaan tu USDP lei nih cun thawngthanhnak an rak tuah.

Myanmar Military's Vast Business Revenue Enables Abuses, U.N. Says - The New York Times
A si nain mah ralhraang cohlaannak puai an tuahmi video zoh tik ah minung an tlawm ngai te i hi kong he pehtlai in bia halnak an tuah hna tik ah cheukhat cu a dih hlaan ah a lawimi an tam bantuk in video zeih ding hi an ttih ruangah a lawimi le a hrial tu zong an um hna tiah an chim, mah puai an tuahnak ah ralhraang pawl nih an ven hna i Shweuhdaung sang USDP lutlai le a nupi hna hruainak in an tuahmi si.

Be First to Comment

Leave a Reply

Your email address will not be published.