Press "Enter" to skip to content

Thantlang Le Hakha Hrawnghrang I Hi Bantuk Thil A Chuah Lengmang Mi Hi Cu A Poi Hringhran Ko Mu

Chin ramkulh Thantlang khuapi le Hakha khuapi karlak ah tangka ting 17 lakpiak mi buainak cu January 16 ah a cang mi thil a si i,January 17 ah mipi theih in pholangh a si. U Aung Aung ( kum 32 ) cu Hakha khua in Thantlang khua ah kuva thilri man leiba hlam dingah a kal i, zanlei nazi 2:45pm hrawngah Thantlang khua in Hakha khua a panh.

Thantlang in meng 9 tluk a kal hnuah mi pathum nih lampi ah an rak dir ter i an tleih colh. Pakhat in a hngawng in a reh i a dang pakhat nih nam i put bu in a hro hnuah 2 Phalon hlat deuh nakah an kalpi.

Cuka hmun ah cun a kutke an tem hnuah a kaa zong an hihpiak dih i ai ken mi tangka ting 17 cu an lakpiak hnuah an zamtak.Thilcang mi he pehtlai in, Thantlang palik theihter a si i Thantlang palik nih cun case an siam hnua misual 3 cu tleih dingin an kawl cuahmah hna nain, tuini January 17 tiang ahcun an tlai kho rih hna loh tiah thawngtheih a si. (IPRD)

Be First to Comment

Leave a Reply

Your email address will not be published. Required fields are marked *