Press "Enter" to skip to content

Thantlang No. 3 Pyine Hluttaw caah Pi Ni Sui Lian a dirhmun a tha ngai cang.

Thantlang No. 3 Pyine Hluttaw caah Pi Ni Sui Lian a dirhmun a tha pah ngai rua. Thantlang khuachung cheukhat hmurkaa chim mi ah a nih hi a nusal. Kan uar. Mee kan pek ko an ti.

TT peng Amyota Hluttaw palai ca cun VP Henry Van Thio cu a ho paoh nih duh mi a si le zei tluk in a thang an chiat zongah an tluk lo caah a si ti kan i fiang le a mah sin ah kan vote cu kan burh thluahmah ko an ti.Lungthin tur in kan in hngah ko hna hih.Sang Hre

Nizan ka rak tial ciami hi relchap ko uh:

1). Kum 2020 Rampumpi Thimnak caah thaizing in vote pek a si cang lai. Hihi kan miphun le kan ram federal le democracy thlenremhnak lamthluan (cho a chuak rih lomi lohma ban) caah a voi 3nak mipi nih biachahnak tuahnak a si—kum 2010, 2015 le tutan 2020.

(2). Thimnak timi cu mipi nih miphun le ram caah kum 5 dan voikhat in biakhiahnak le chaakmernak a si. Cucaah a biapi tuk hringhran. A bikin uknak chiahru in federal/democracy ah thlen timh cuahmah liomi dirhmun kan si caah palh awk a tha lomi (palh a ngah lomi) thil a si. Vote thlaak kan palh lo hrimhrim a herh cang.

(3). Cucaah Chin mipi hna nih kan vote hi phaisa mithmai, pumpak le chungkhat miakmai le hmuhtheihnak menman ah VOTE kan thlaak hrimhrim lo ding hi abiapi tuk hringhran. Hitluk in kan miphun le kan ram federal/democracy thlenremhnak caah kan VOTE a biapit tuk lio caan ah phaisa mithmai le pumpak miaknak ca lawng zoh in vote thlaak cu Khrifa nunzia (zumtu tha nun) asi lo pinah miphun/ram zawnruah lo zong a si hnga.

(4). Cucaah nihin ni a rawk cuahmahmi kan miphun le ram sersiam thannak ding caah a sunglawi tukmi kan VOTE pakhat cio hi pumpak miakmainak menman ah zuar hngin loin miphun le ram zawnruat bu tein VOTE thla cio dingin kan nawl hna.

Phaisa le development in mipi lem, lung mawhter hi corruption zawtnak a hrampi a si. Phaisa le pumpak miaknak men i vote thlak hi zumtu tha le good citizen nih kan tuah awk a si lo.

Hi hi CNLD le NLD timi target in tial mi asi lo. Zeibantuk Party hmanh nih an tuah awk a si lo, a tuah mi cu mipi nih kan hrial hna awk a si timi siaherhnak he tial mi asi.

Salai Cung Dawt

Be First to Comment

Leave a Reply

Your email address will not be published. Required fields are marked *