Thawngpang Chia Taktak! Hakha Lei Ralrin Tein Rak Um Uh
Kawl ralkap Hakha lei ah motors pa 4 in an rak kai i tuzan hi Bungzung ah an riah caah Hakha lei rak i ral ring deuh hram u. Hakha phanh hlan khua paoh nih alam kip in lampi ah thing hau hnaseh law lam phih hnaseh tha lai. Hakha lei zong ralring ten Hakha phanh hlan in lam ah pakhat khat khang ulaw an motor kal kholo dingin a tha tuk hnga?
thawangpang ddang relchap >>>>>>>
Chin Ramkulh, Pengkomh le Peng Meithat Zung in CDM ah a luut mi 60 nih a voi hnihnak cathanh chuah
==================================================
Chin Ramkulh (Pyine), Pengkomh (Khayaing), Peng (Myone), le Surkhua Meithat Zung in CDM ah a luut mi minung 60 nih a voi hnihnak cathanh cu March 1 ah khan an chuah than, tiah kan theih Cathanh an chuah mi ah, “CDM ah aa tel mi cheukhat cu khunh hal loin Zung a kai lo mi cazin ah kan min an khumh. Cucaah, Ramkulh, Pengkomh, Peng le Surkhua in Meithat Zung ah riantuantu minung 60 cu CDM ah kan luut, tiah kan thanh than. Rian kan tuan lio ah upadi he aa tlak in rian kan tuan i kan tuanvo kan tlamtlinh. Rian kan i phuak lo.
Cunglei upate zeirello le an nawl ngai loin kan um a si lo. Ramkheel rian kan tuan a si lo. Nawlngeihnak a latu Ralkap kuttang ah riantuan kan zuam ti lo ca ah CDM ah kan luh mi a si. Mizapi kut asiloah thimnak ah teinak a hmu mi hna sin ah nawlngeihnak a phanh hlanlo, Zung kan kai lai lo i rian kan tuan lai lo, tiah cathanh kan chuah than,” tiah an tial.
Atu bantuk in Meithat Zung ah rian a tuan i CDM ah a luut mi hi Laimi (Chinmi) deuh lawngte an si. Hi kong ah Meithat Zung lutlai pakhat nih, “CDM luh kan duh cio ko nain thaal caan a si. Zung hngaktu pa thumli tal kan um lo ahcun ruahlopi in mei kaang hna um sual sehlaw kan i thlahphawih lai, ti kan phan ca ah a si,” tiah The Hakha Times ah a rak chim bal. The Hakha Times
