Press "Enter" to skip to content

Thawngpang Tha : Myanmar Cozah Nih Bomhnak A Pekmi Tangka 40,000 Le 20,000 A Co Lo Mi Cu Phone In Chawnh Khawh An Si

Covid 19 boruak Huang chungkhar a harsa mi caah Myanmar cozah nih tu dirhmun ah bomh nak a pek mi cu co ding ah ai tlak ko nain, a colo mi cu chanhchuah tu MP Dr.Win Myint Aye sin ah chim khawh peng a si tiah thawngthanh nak an nei. MP Dr.Win Myint Aye sin ah chimh tik ah thilsining fiangten chimh a hau i, cupin cun a mah nih cunglei myone hruaitu sin ah a rak chimh than hna lai.

Bomnak tangka cu chunglhar lo a nei lo mi riantuan mi a nei lo mi motor mongh i ai hlawh mi, kuli tuan mi, nga a kawl in paw ai cawm mi, Covid 19 boruak ruangah riantuan kho lo mi pawl pek ding a si i, khua kip minung an pek dan ning pawl cu ai khat dih loh ti a si.

Khua cheukhat minung tlawmnak hmun ah cun, khua chung i chungkhar zapi ten an phawt dih hna i, minung tampi um nak khua ah cun, harsa ngaingai cu tuanvoneitu nih an chimh piak hna. Covid 19 zawt nak ruangah Stay at Home Myone i a um mi harsa pawl cu bomhnak tangka 40,000 pek ding a si i cu lo pohpoh cu chungkhar harsa mi sin ah bomhnak tangka 20,000 pek ding a si.

Hi bomhnak kongkau ah buainak a tam ngai i co ding mi a si ko mi a colo mi an tam ngai hna. Cupawl minung zong cu a co tlak an si nak kong felfai tei chim in Mp sin ah phone in chimnding a si.Phone i chawnh a duh mi caah 0673404222, 0673404999 ah nazi 24 chung chawnhkhawh an si tiah thawngthanh nak an tuah. Culawng siloin bomhnak co ai tlak nain, a colo mi cu amah sin ah chim khawh ding in MP Dr.Win Myint Aye nih cun mipi sin ah theihter nak a tuah. ( MNTV )

Be First to Comment

Leave a Reply

Your email address will not be published. Required fields are marked *