Press "Enter" to skip to content

Thawngpang Tha Taktak : Nihin zaanlei ah PDF nih SAC Ralhrang (40) bak an thah khawh hna

Nihin October 27, 2021 zaanlei suimilam 2:00PM hrawng ah khan Sagaing ramthen, Kawlin pengkulh chung ah PDF pasaltha pawl nih SAC ralhrang 40 bak an thah hna hi Kachin Multimedia News nih a tarlangh.

SAC ralhrang pawl cu thadam tein an i dinh lio, an i ralrin lo karlak te ah PDF nih Bomb in an phomh hna hi a si i cu ahcun 40 hrawng an thih pin ah hliamtuar an tam ngai ngai ti a si. “Nihin zaanlei ah a cang mi asi. Zaanlei suimilam 2:00PM hrawng ah khan Sagaing ramthen, Kawlin pengkulh chung ah a um mi Kyaukpinthar le Kachinkung timi khuate karlak ah SAC ralhrang tam ngai ngai cu an i dinh lio ah a thli tein PDF nih Bomb in an phomh hna. Cu hnu ah suimilam zeimawzat chung an i kaap i SAC ralhrang lei 40 hrawng an thih pin ah hliamtuar an tam ngai ngai” tiah khuami pakhat nih Kachin media sin ahcun a chim.

SAC ralhrang lei cu thadam deuh in an um lio, kan ral an um lai lo ti phun in a thli tein an thut lulh lio hna ah PDF nih Bomb in an phomh hmasa hna, cu hnu ah kaphnih kahnak zeimawzat a hun chuah hi asi. SAC ralhrang lei cu a thi mi an hawile ruak hmanh tha tein an la manh lo, cu pin ah hliamtuar zong an tam ngai ngai ti asi. Laikokekjournal

Be First to Comment

Leave a Reply

Your email address will not be published.