Press "Enter" to skip to content

Thawngpang tha:Salai Lairam Thang nih’Coronavirus sii kong’Fiang phut in a phuan cang.

UK Nih Coronavirus Vaccine An Serchom Lai. UK hrambunh Oxford University nih Coronavirus ikhamnak sii serchuah an I zuam I, hneksaknak an tuahmi phase 1 in phase 2 tiang a tlamtlin caah a dot thumnak phase 3 zong hneksaknak an peh chih cang lai. Dokhatnak le dothnihnak hniseknak an tuahmi cu side affect tlawmte a um nain tylenol din piak ahcun a dam kho ti a si.

April thla thawk khan Pre-clinical trial timi, saram sin ah an hnisak hmasa, an hneksak mi a that caah, phase 1 hneksaknak, kum 18-55 karlak minung 1077 an hneksak hna i a tlamtling ti a si. A si min cu ChadOx1 nCoV-19 tiah min an sak.

Adot thumnak phase 3 hneksaknak cu minung 10,000 nih volunteers in hneksaknak an I tuah lai. Kum 70 in a chunglei le hngakchia kum 5-7 tiang an hneksak hna lai. Uk lawng si loin South Africa le Brazil zongah hneksaknak an tuah chih hna.

Phase-3 hneksaknak a tlamtlin ahcun cozah nih approve tuah hnu ah an sii an chuah colh cang lai ti a si. Kum dih hlan Christmas hrawngah an chuah khawh men ti a si.

Biadang zong hi relchap ko uh:

Tuluk thil tuah ning zoh ah cun tih nung bak ko, mah bantuk in vawlei cungah ram thawngbik si a tim tuk ruangah vawlei cung ramkip muianak ah a kan lut pi cang. A buai chin lengmang cang i, South China sea le Corona virus ruangah dirhmun tha lo bik an phan cang

Coronavirus ruangah Tuluk le US cozah cu faak ngai in an irengh lio caan a si caah US ralkap vialte an control nak Pentagon headquarter zungpi I detect electromagnetic sensor vialte an dir lonak caah ralrinnak an pek hna
Japan nih “Pearl Harbor cu ruah phak loin a tuk bal caah Tuluk nih Mah tactic cu an hman ve sual lai ti hi US ralkap nih an phanmi a si.

US I The Defense Threat Reduction Agency nih Tuluk nih Mah tactic a hman khawh tiah Pentagon cu ralrinnak an pek hna hnu ah Pentagon cu rakring tein an um cang. Credit- Salai Lairamthang

A tang hi nupi pasal an i then cemnak a ruang bik asi:

Nupa karlak ah i tthennak a chuahpi tu thil hna hi a phun tampi a um kho cu chungah a ruang tambik ah ruahmi kan rak langhter, chungkhar pakhat a dir cang ahcun nupa nun hi a biapi bikmi pakhat a si. Cu tluk a biapi mi cu fawi tuk in kan suasam ttheo tawn, cu caah cun a tanglei hna hi rak rel law, nun cawnnak ah rak hmang ve.

Zuk hmawm/zudin ruang ah:

Laimi zong hi zuk hmawn, zu dingmi kan tam ngai hna, hi nihhin inn chungkhar ah rem lonak a chuah ter ichungkhar ah buainak fawi te in a chuah tertu a si. Zu na din kuak na zuk, a dangdang rithai sii pawl na tongh tikah an suai kho, an suai hnu ahcun na nupi nakin kha bantuk kha na thim deuh lai. Cutik ah nan innchung khar ah dawtnak a leng ti lai lo, nan si a fak rih lai, na nupi nih nan inn chungkar kha a biapi ah na chiah lo a thei deuhdeuh lai, a lungdongh hnu ahcun i then loin um khawh a si ti lai lo, nan i then hrimhrim lai.

Phohpian ruang ah:

Nu le va hi an phohpian nak a ruang tampi a um kho, pakhat le khat di i riamh lo ruangah maw, siloah an rak i um lio ah a duh balmi an si lo ruangah maw tiin a um. Na nupi/va nih nungak/tlangval dang a thli tein an ngeih taak ti na theih ahcun a ka duh taktak lo caah a si tiin ruah lo awk a tha lo, na nungak/tlangval he lam nan lenti lio hna an hmuh caan a um lai, cutikah i then cu a poi hrim ah na chia ti lai lo.

Pakhat le khat hmunkhat te umtti lo ruang ah:

Nu le va hmun khat teah a um ti kholo mi an tam ngai tawn, caan tam deuh cu, rian an tuan, zung an kai tibantuk ruangah a asi, cutikah nan sining zong i thlen a fawi te. Hmunkhat te ah rawl ei tti le bia aa ruah kho pengmi nan si lo tikah caan a hung rauh deuh tikah i thennak zong a chuak kho.

Umtu ziaza/hoiher:

Na nupi/va kha a nun ziaza a chiakha tukmi a si sual ahcun, laimi sining ahcun chungkhat, cingla, le rualchan he an i rem kho lai lo. Cutik ah i thennak bia le na nupi/va an rem lonak lawng te kha na chungkhat pawl sin in na theih lai, cu nih cun nangmah zong na lung an thlen khawh i, i tthen zong a poi ah na chia ti lai lo.

Nupa Sinak:

Pakhat le khat di i riamh lonak nihhin thennak a chuahpi kho. Laimi chung ahcun kan um lai ka zum lo, na nupi/va he diriam tein zaan rian (Nu pa sualnak) nan tuan/hman ti khawhlo ahcun kha nih khan nan i dawtnak le nan i pehtlaih ning a derter lai. Mirang nih an timi cu nu le va dawtnak cu nupa sualnak a si tiah an ti, diriam tein nan hman kholo tik ah cu nih cun i thennak a chuahpi kho, kan theih cio bantuk in mirang atam deuh khi cu mah ruang ah an i then tawnnak a si.

Fim thiamnak ah an chanbau ruang ah:

Na nupi/va kha fim thiamnak lei ah a chanbau ngaimi a si ahcun, kha nih khan nangmah zong na nupi/va kha zeirel lonak, cun na tangah chiah duhnak lungthin an ngeihter khawh. Na nupi/va kha zei i na rel lo i nehsawh thlanglamh phun in na la peng ahcun, Na nupi/va nih a duh ve lai lo, cutikah nan pahnih kar ah dawtnak hri a chat tu an si kho i thennak tlang ah tla lakin an nam lai.

Bia i al lengmang ruang ah:

Kherhlainak an tuahmi ah 56% hi bia i al lengmang ruang an i then ti a si, na nupi/va kha a phunzai tukmi a si i na ngaihthiam peng kholo tikah, cunih cun i thennak a chuakpi tawn. Laimi chung zong ah a um khomi si a um zong um lo kho, nain na nupi/va he rian nan tuan veve, inn chung thilri lei nan i rinh veve, fa le zohkhenh nan i rinh veve than, cu nih cun atu le tu bia i alnak, pakhat le khat i zai hnawhnak a chuak tawn, a donghnak ahcun thinhunnak a chuak i na nupi/va he um tti kha na lawm kho ti lo, cutik ah nuva i tthen zong pawi ah chiah tilo in i tthen a fawite.

Nu le va si cang hnu ah cun dawtnak a biapi tuk ko nain dawtnak nak in theih thiamnak a rak biapi deuh rih, zei caah tiah nuva tampi cu an i tthen hnu zong ah an i daw tuk rih ko nain an i theih thiam khawh ti lo ruangah ah an i tthen tawnnak hi a si.

Thawngpang a dang asi a tang hi:

1. Sumpai na neihmi a khawldan le a terendan thiam awla na mancan tinten leng suakih vak lawnglawng tum hlah aw.

2. Pathian țihzahnak thawn tualsung kawhhran ah theitawk ih țanlakdan le pumpekawkdan thiam aw, Bilble kengin
biakinn pan fekfo țheu awla thlacam nun khal nei aw.

3. Na innsang dinhmun theithiam awla thuamhnaw țhațha le ceiawknak mankhung tuk hmang hlah aw.

4. Khawtlang hrang thil țha tuahtu si zuam awla siatton nikhua tivek ah tlawmngai nun nei in midang hrangih riantu țha le hnemtu țha si dingin zuam aw.

5. Hnipuan sexy luantuk in khawlak vak kha hrial awla na neihsunte thawn zohmawi dingin thianghlimten thuamaw sawn aw.

6. Mipa in na taksa an lo tham tikah lole an lo tam tum tikah ralțha zet in kawk ngam awla a sim khal ngam aw.

7. Zirnak lam ngai thupi awla na theitawkten zuam aw, pumcawmawknak tlak lole sumpai lakluh theinak hrang thiamnak pakhat khat nei tum aw.

8. Țong sia hrimhrim na kaa ihsin suakter hlah awla zahmawh thu le midang ih țhatlonak lam sal lo dingin supawktheinak nei aw.

(Part – 1 a siar duhtu hrang
https://m.facebook.com/story.php?story_fbid=1185394251833855&id=100010898746736)
Photo Credit: Zing Dawt Cer Chin
Photo Credit: Zing Dawt Cer Chin

A tang zong hi relchap ko uh:

Theih ternak:Hi kong hi ni zeimawzat a luan caang nain tutan ah minak pawl nih an rak tharchuah tthan,An chim theo mi cu Joe Biden hi minung thledang nak a neimi asi kan caah president tha ngaingai asi tun lai lo tiah tu ah a rak lar ngaingai.Cu ruangah cun kan van taar e tthannak asi, A relcia le a theih cia mi zong kan um cang nain a rel rihlo le a theih rihlo kan um sual pinpang ahcun thawngpang ttha asi ko.

Democratic party nih President Donald Trump he November thla ah US president i cuh ding in an thimmi Joe Biden nih “Donald Trump na vote ahcun minak taktak na si lo tinak a si” tiah The Breakfast Club host a tuahtu, Charlamagne tha God sin ah interview ah a chim i, a mual a pho. [ “you ain’t black” if you vote for Donald Trump over him in the 2020 presidential race. ] A fiannak in hei chim ahcun minak na si ahcun democrats nan si awk a si ti le Democratic party cu minak ta a si ti khi a chim duhnak a si ko.

Mah ruangah Biden cu miphun thleidanak a ngeimi racist a si tiah tuchun ah media kip nih faak ngai in soisel a tong. Joe Biden cu a biachim mi a chuah sual ruangah tuchun lila ah nawlnak bia chim than. Minak cheukhat zong nih faak ngai in an soisel ve. Joe Biden nih kanmah tein zalong tein thimnak nawl kan ngeimi hi a hngal lo maw? kan duh le kan vote lai, duh lo le vote lo a si ko, amah nih i thimnak nawl kan ngeih mi ah a kan tlangtlak ding a si lo” tiah an ti.

Joe Biden hi kum 78 a si cang caah a upa ngaingai cang i, a lung zong a lo ngai cangmi a si. A chimmi zong a philh lelek. A biachim hnu hmai a hngal tawn lo. Nikhat ah suimilam 10 tal a ih lo ahcun a tha tein a lungfim kho lo ti a si. Cucaah President Trump nih Sleepy Joe” tiah a auhnak a si.

A tang lei hi USA zawtnak kong asi:

US Ram Ah Covid-19 Zawtnak Ngei Minung 67,000 An Hmuh HnaJuly 17, 2020 admin’US ram ah cun Covid-19 zawtnak ngei an karh thluahmah rih ko. That lei a panh kho hrim lo. Nithum ni ah khan US ram ah Covid-19 ngei an hmuh thar mi hna hi minung 67,632 bak an si.

Ni 10 chung ah khan nifatin te Covid-19 zawtnak ngei an hmuh thar mi hna hi 55,000-65,000 karlak an si. Texas le Oklahoma State ah cun Covid-19 zawtnak ngei an karh ngai. Texas State i Covid-19 zawtnak ngei thar mi hna hi minung 10,791 an si i minung 110 nih an thih pi.

Oklahoma zong ah Covid-19 zawtnak ngei an hmuh thar mi hi minung 1,075 an si i, a thi mi hi minung 47 an si. State dang zong ah zual lei a panh ngai ti asi.

Vawlei cung ah Covid-19 zawtnak ngei an hmuh mi dihlak hi minung 1,37,14,771 an si cang i a thimi dihlak hi minung 5,87,231 an si

Thawngpang dang zong hi relchap ko uh:

US President Donald Trump nih cawnni hnih ni ah khan China President Xi Jinping he hrimhrim kan i chawn lo. I chawnbiaknak caan kan ngei zong ka zum lo, a mah chawnh hrimhrim hi a timh in ka tim lo, tiah White House ah reporter pawl hmai ah a chim.

Coronavirus a rak chuahnak kong ah a thinhunnak a van chim colh i, “Hithil hi a fiang cia bak a si. China nih vawleipi lak ah Coronavirus an thuh tihi thil fiang cia cu a si. Coronavirus kong hi vawleipi hmai ah an thuh peng. An duh ahcun coronavirus hi an dihter khawh.

Vawleicung pumpi ah chuak lo dingin an tuah khawh tuk,” tiah President Trump nih China a phomh hna. Cun, President Trump nih The World Health Organization lak ah a thinhunnak a hun peh than colh. “The World Health Organization hi China nih a duh duh in a tuah khawhmi China Uico te an si,” tiah a ti hna.

A tang hi nu kong he a pehtlai mi asi:

Nu hna nih thla fatin an ngeihmi thiratnak hi a sawhsawh in a ruatmi kan tampi. Sinain hi kong ah ningzak le zeirel loin um hrimhrim ding a silo. Mah thlafatin a rami thii color nih kan ngandamnak a langh ter. Nu cheukhat cu thiratnak kongkau hal tikah ningzah a hmangmi an tampi. Cucu ningzah ding a si lo.

Thil asining tein chimphuan khawh tu kha aṭha bik. Vawleicung ngandamnak lei thiamsang hna nih research an tuah i, nu thii color nih zei bantuk ngandamnak na ngeih ti a langh ter tiah an chim. Cu hna cu a tanghlei ah ka vun langh ter lai.

Pink Color (Reddish-pink): Na thii a rat lio i Pink color bantuk a um si ah cun na nu hang (Female Hormones) a tlawm tuk ti kha a langhter. Thla fatin hi Pink bantuk color lemang a si ah cun Dorctor sin ah naa zohter ah a ṭha bikmi a si. Caan sau a rauh ah cun nau ngeih khawh lonak ti bantuk tiang a chuahpi khawh caah na caah ṭihnung a si.

Thiifil (Bright Red): Na thii color kha na vun zoh i a sen tuk silo in a fil pah si ah cun eidin lei ah na chanbau ti a langhter. Cun nau-inn lei ah na thazaang a der tinak zong a si fawn. Mah bantuk thii color a rat si ahcun ralrin ngai na herh. Si nain thinphan ding cu a si tuklo.

A rianrannak in sibawi sin ah naa zohter ahcun caan sau raulo in an thlopbul khawh mi a si ko. Theihding pakhat bel cu hi bantuk color in ni 7 silo le 8 tiang peh thliahmah in a rat si ah cun, cucu thinphan ngai ding cu a si. Cu caah daithlang in um hrimhrim hlah.

Coffee Color (brown): Hi coffee color bantuk le brown lei a panhmi color in na thii rat si ahcun na thii a chuak kholo mi pawl kha caan saupi na nau-inn chungah an taan caah a si. A fawinak chim ah cun thii-lak mi kha a siko. Cu caah na thii rat lio ah a thlum-aal deuh kha na thii duhdim tein a rat khawhnak ding caah tam deuh in ei piak i zuam. Hi bantuk hi cu thinphan ding cu a um lo tiah ti a si.

Asenduk (Deep Burgundy): Na thii rat i a senduk tuk a si ah cun na nu hang (Female hormones) kha normal nak in a tam deuh caah a si ti kha theih ding a si. Cucu chiatlei nak in ṭhatnak lei deuh a si ko caah thinphan ding a si lemlo. Hi lio caan ah hin nau ngeih a fawibik caan zong a si tiah thiamsang hna nih an chim fawn.

Normal Red: Normal Red color in na thii a rat ah cun zei hmanh thinphan ding na ngei lo. Cu nih a chim duhnak cu mi ngandam na si kha a si ko.

Nu tamdeuh 70% nih hin mah thii color hi an ngeih mi a si. Cu caah na thii a rat tikah na thii color kha ṭha tein zoh law, a cunglei ka langhter ning bantuk a si sual ah cun, a rianrannak in Doctor sin maw sii-inn ahmaw kal colh i zuam. Cu cu na caah kilvennak ṭhabik zong a si. Ref: Health.com

Be First to Comment

Leave a Reply

Your email address will not be published. Required fields are marked *