Press "Enter" to skip to content

Thawngpang tha:Trump cu miphun dang zong nih’An diarkam cang hi.

Nizan ah Minung thong tamtuk nih Japan khualipi Tokyo ah lamzawhnak an ngei. Lamzawhnak a ngeimi hna nih an aupi mi cu, US thimnak cu a dong naisai rih lo. Biden nih teinak a hmuh ah cun, China nih teinak an hmu tinak asi. Cu caah kanmah Japan ram caah tihnung asi tiah an ti.

Thimnak a um than ah cun President Trump nih a tei hrim hrim a hau. Cu cu hmailei Asia-Pacific le US-Japanese pehtlaihnak ding caah asi. Thiltha a chuahkhawhnak dingah cun President Trump nih teinak a hmuh hrim hrim a hau tiah an ti.

Thawngpang dang relchap ko:

Iran nih an i bochan tak takmi Nuclear Scientist Dr. Mohsen Fakhrizadeh cu Nizaan Friday ah khan, Iran ram khuapi Tehran pawng Absard Highways ah a ho ti theih lo hriamtlai Mi 5 nih meithal in an kah i, Siinn ah athi. A kalpi mi Car pakhat tu cu, Micro bombs hmangin an puah.

Iran Defence Minister Sham Khani nih cun Dr. Mohsen hi Israel Spy MOSSAD agents pawl nih an thah mi asi ti’ah Tehran News ah a chim. Iran Top Religious leader Ayatollah Ali Mamoh Khamenei le President Hassan Rouhani nih cun Israel cu ceicikcek in kan Phomh ve lai ti’ah Nizaan khan UNO Secretary General Mr. Antonio Gutteres sinah an lunglawmh lonak an chim pinah Iran TV ah an phuang cawlh.

Iran nih ” Father of Nuclear” ti’ah an uahmi Dr. Mohsen Fakhrizadeh hi Iran Nuclear Weapons
“Project Amad” ah Chief Scientist rian hi Kum 15 hlei a tuan cang i, Imam Hussein University, Tehran ah Physician Engineering Professor a tuan liomi asi. Kum 2018 khan, Israel Mossad Spy nih Iran Nuclear Physics Research Center ( NPHRC)in a thlithup in an firmi documents ah Dr. Mohsen nih hin, 2021ah Nuclear bombs siam an timh timi fiang te’in an rak theih cang.

UNO Chief Antonio Gutteres nih Vawlei cungpi ah thawng a thanh hnu ah,Israel Prime Minister Benjamin Netanyahu zongnih vawleicung Israel Embassy vialte ah i ralring nak thawng a thanh dih cawlh. US raltuk lawngpi ( Aircrafts Carrier) NIMITZ cu Persian Gulf tipi lei ah Nithum Ni Wednesday ah khan arak thial diam cang.

Be First to Comment

Leave a Reply

Your email address will not be published. Required fields are marked *