Press "Enter" to skip to content

Thawngtha: India Union Home Minister Amit Shah Nih Cun Kawlrammi Aram chung Lut Poah Kuat Than Lo Ding A Ti

India Ah A Zam Mi Myanmar Palek Pawl Cu Myanmar Ram Ah Kuat An Si Lai Lo
========================================

Myanmar ralkap aiawh in Falam penguk ralbawi nih Champhai penguk sin ah Mizoram Champhai i a zammi Myanmar palek 8 cu Myanmar ah kuat dingin a hal,India Union Home Minister Amit Shah nihcun kuat than lo dingin March 10 ah Mizoram CM Pu Zoramthanga a theihter.

Myanmar ralkap nih February 1 ah rampi nawlngaihnak cu phung loin an lak i ralkap uknak duh loin lamzawh in duhlonak nei mipi meithal hmangin an kah hma. Cu bantuk tuah ve lo palek le ralkap pawl cu CDM tuah in ralkap le palek an si nak an chuahtak cheukhat cu Myanmar ram i an um duh a si ahcun an nunnak caah tihnung a si caah hmun dang dang ah an zaam.

Thailand lei zongah a zam ding an um i India ram lei ah a zam an tam bik. India ram i a zam mi lak i palek 8 cu Falam penguk ralbawi nih Champhai penguk a hal i Champhai nih India Union Home Minister a theihter hnu ah anih nihcun kuat than lo dingin March 10 ah Mizoram CM Pu Zoramthanha a chimh tiah Zonet nih a tarlangh.

Falam penguk ralbawi nihcun March 5 ah Champhai penguk ca a kuat a si i India Union Home Minister nih March 10 ah thawng fiangfai cu Mizoram CM Pu Zoramthanga cu a chimh.

Crd; Zonet

Be First to Comment

Leave a Reply

Your email address will not be published. Required fields are marked *