Press "Enter" to skip to content

Thawngttha: Matupi Lei In Pastor Van Biak Thawng Le A Hawi Pathum Hna Cu Ralkap Nih Tuzaan Ah An Thlah Cang Hna

Hi hna pali Pastor Van Biak Thawng siseh a hawi le mino pathum hna Swam David, Sai Nawlar le Salai Amon kongah Chin mi kan lungre a thei ngaingai. Tuni ah Swam David a thilri i thisen ai neh mi cu palek nih an inn ah an rak chiah ti thawng kan theih tikah mipi lungretheihnak a zual chinchin i an thi cang ko lai tiah zumh cio a si.

Hi hna pali hi March 10 ah khan rak tleih mi hna an si i Pastor Van Biak Thawng hi cu biakinn i thlacam alawi pah zaan ah an tlehi mi a si tin theih a si. Cu ti an tleih hna tikah mipi an lung afaak i an ngeih achia, palek le ralkap sinah nawlnak zong an tuah len hna i a tu hnu nithum ah kan rak thlah tthan ko hna lai an rak ti hna.

Hmanhsehlaw tuni tiang zei hmanh thawngpang aum hraw lo kan chim cha bang Swam David a thilri thisen ai neh mi tu cu palek nih an inn ah an rak chiah ti thawng lawng theih khawh a si.

Tuzaan suimilam 11 hrawngah khan cun an pali ning te cun an rak thlah ko hna tiah chungkhar lei in thawng kan theih mahbelte zei tin dah an um an i hliam le hliam lo cu zei hmanh theih khawh a si rih loh. Thlacam zong bawm cio hna usih.
Thawng kan theih le cangka fianh khawh kan rak i zuam tthan te lai.
Credit : Matupi times

Be First to Comment

Leave a Reply

Your email address will not be published. Required fields are marked *