Press "Enter" to skip to content

The Voice Myanmar Season 3 I Zuam Nak Ah Salai T Lian A Tling Thluahmah Rih , A Turu Lawlaw Bak Khi Si ( +Video )

The Voice Myanmar season 3 i zuam nak cu zarhpi zan tinten neih zungzal a si i tu ah Knockouts round dirhmun an phan cang. Knockouts round ah Chinpa Salai T Lian le Salai Tuangpi an i tel ve rih i Salai T Lian deuh cu nizan ah knockouts round paltlang in LIVE round a lut fel cang.

Knockouts round ah minung pa 4 cu donsang cung ah kai in pakhat khat tein hla an sa i an pali lakin pahnih cu LIVE round hrang ah tling ding an si. nizan R Zarni Team ah Salai T Lian , N Oo L, Htike Gyi le G pawl cu an i zuam . An lakah Salai T Lian ,N Oo L le Htike cu sang deuh mi i zuam nak hrang ah kai dingah zum cia mi an si hrimhim i an pali lak ah hin Salai T Lian le N Oo L cu sang deuh mi i zuam nak hrang ah thim tlinh an si.

Salai T Lian nih cun Saw Boy Hmu i hla ,a muang le rang cu nehsawh tak in a sak i mipi pin ah Coach 4 i duh cem mi ah a chuak.Cuti cun, a hnu bik sangdeuh mi i zuam nak ah thimthan a si i, a hnu ah live in an i zuam cang lai. Cu can ah cun,.mipi lei in vote a um cang lai i, mipi vote dan ding ning a hnu ah kan rak theihter than te lai. Video –

Salai T Lian cu music lei i kal a duh ruang ah a than lianh nak, Tayakung khua ( Letpanchaung lam ) cu 2013 kum ah a rak chuahtak i Yangon ah umhmun a rak khuar.riantuan pah in, a si khawh chung in music lei ah kar hlang mi a si i, Myanmar rampum huap hlasak zuam nak Eain Mat Sone Yar zong ah top 10 rak phan cang mi a si. A pa cu Rev.David Mang Ling a si i a nu cu Thiang Len a si.

Kawl nih Pathian thangthatnak hla pin ah falam zong in hlasak mi a nei ngai cang i a hlasakmi lakah “Thangthat” timi Album chungin “chun le Zan” timi hla cu mipi duh ngaimi hla pakhat a si. Cu pin ah Falam in Salai Thlapi i hla zong tuah ding a nei rih tiah thawngtheih a si. Credit: VAPUAL AUAW

Be First to Comment

Leave a Reply

Your email address will not be published. Required fields are marked *