Thet Mon Myint I A Biachim Mi Cu A Hman Lawlaw A Mah Bantuk Si I Zuam Dih Hna U Sih

Myanmar lemcangthiam milar Chinnu Thet Mon Myint nih cun ralkap uk duh loin lamzawh duh lo nak neihmi ah party min chim bak hlah tiah a ka titu an tampi konain, kei cu NLD ka sizia a fiang tuk ko i annih lo cu rinhchanh ding ka hmu lo hrimhrim hna tiah a aupi ve.

Ralkap nih nawlneih nak an lakmi cu duh loin Myanmar mipi ting thawng reng lo nih cun nichiar tein ralkap uk duhlonak lamzawh nak neih cuahmah a si i mipi lungrual khawhnak dingah party min i chal lo ding bak in le party thilri hmang lo ding in an thanh cuahmah lio a si.

Cu bantuk dirhmunah Lemcangthiam Thet Mon Myint nih cun “Tu bantuk ah party min chim lo ding bak in an ka ti. Ka upat tukmi ka nu Daw Suh cu NLD a si tikah keizong NLD timi cu a fiang tuk cang mi a si. A dang party ah ka pi suh tluk upat awk a tlak mi an um hrimhrim tung lo hme?

“Ruat taktak hmanh uh vawlei cung i upat tihzah mi le duhdawtmi maw, ramchung lawg hman silo vawlei cung i kutkhih peng mi hruaitu hnuzulh na duh deuh? Kum zatel an kan uk i mipi cu chim lo an mah long an rum thluahmah mi, kum 5 chungte an kan uk i an mah cu chim lo mipi a rum thluahmah mi aj a ho dah na zumh deuh lai?

“Dawtnak le zangfah nak in a khat mi , mipi zawn ruattu hruaitu maw, duh amnak hlir i a khat mi le harsatnak chung i mihruai luttu ding hruaitu ah a hodah na caah thatnak a tuah deuh tu ding ah na zumh? Tu zong ah hin mithmuh kutongh bak in kan hmuh a si kolo maw?

“Tih nak long te i a khat mi he nunti peng ding mi ho nai thim duh maw? hremnak ,tihnak le hramhram i tuahternak chung i nun hman na duh ti lo a si ah cun tutan ralkap uk duhlonak langhter in lamzawh duh lo nak ah na sikhawh chung in rak i tel ve.

“A herh bik mi cu CDM a si. CDM tuah in miraltha ah khumh si ding ah maw, misualral pawl thapek in mi nautat mi si tuar nak na duh deuh. Caantha timi cu vawi 2 ngahthan a siloh,” tiah a ti. Credit : VAPUAL AUAW