Press "Enter" to skip to content

Thi Dih Hna Seh An Dihlak, Zei Sualnak A Ngei Lo Mi Thih Za Lo In An Kan Thih Ter, Mah Pulrai An Ngeih Cu Vanthat Ngai2 A Si>>>>>

In Ta Kaw Ralhrangbu Tat-Yin Ningin Covid-19 Zawtnak An Ngei
=========================================

Pago,In Ta Kaw pengah hrambunhmi ralhrangbu No. 1 hriamnam zohkhenhnak (ခဲယမ္းမီးေက်ာက္တပ္) tat-yin cu an tat-yin ningin covid-19 zawtnak an ngei tiah theih a si.

July 4 ah tat-yin chung tlangval pawl umnak sawng ah rallokap pakhat a thi in an hmuh hnuah covid-19 zohfelnak an tuah tikah ralbawi le an chungkhar hna telin an tat-yin ning tlukin zawtnak an ngei mi hi theih a si.

Zawtnak a ngei mi ah Siibawi pawl zong an i tel tiah theih a si i, atu ah an tat-yin ningin lockdown tuah an si. Lenglei siibawi pawl he a thlithup in an i zohkhenh lio pi a si tiah Delta News Agency nih a tial.

June thla thawk covid-19 thawh voithumnak nih ralhrangbu tat-yin, tat-phoih chung zongah zawtnak tampi a karh ngai tiah theih a si.

Thawngdang.Mizoram-Assam Ramri Ah Buainak A chuak Than Tuthla hramthawk lei ah Mizoram le Assam ramri Aitlang ah Assam palek pawl hmun an rak khuar caah ram pahnih kar i hmuhthiam lonak a rak chuah hnu July 10 ah khan Phainuam Buarchep hmun ah buainak a chuak than tiah theih a si.

Buainak hi Assam pawl nih Mizoram chung Buarchep hmun ah cikcin an hrawh, lam an cawh mi cu dum ngeitu hna le Phainuam khua mi nih an va kham hna ruangah a chuak mi a si.

Buainak a chuah hnuah Assam Palek zei mawzat an rak chap hna i lamco mi a khamtu Mizo hna cu an dawi hna caah i tuk, velhnak a chuah hi a si.
Assam lei nih an lamcawh cu an ngol lo caah Mizoram palek zong chap an si. Zarhte ni zaanlei suimilam 2 hrawng le zarhpi ni zinglei le zaanlei ah bomb zong a puak tiah theih a si.

# vanglaini

Rf; The Chin Post

Be First to Comment

Leave a Reply

Your email address will not be published.