Press "Enter" to skip to content

Thih Dar:Zuu dinnak tangka a nu nih a pek duh lo caah’A hung bak a ten.

India, Telangana khua te ih um mipa kum 45 mi cu zu tama a si, tlawngkai ninga zan ah zu ri nawn in a tlung ih a nu pitar te hnenah sumpai a dil bet.

A nu cu kum 65 mi Putta Chandramma a si ih zu leinak ding sumpai a pek duh lo ruangah a fapa in a soisa. A that hnuah a lu a tan ih a nui lu kengin a tlanhlo. Ramulu hi pathlawi a si ih, a nupi thawn an ṭhenawknak cu a rei tuk zo ih a nui hnenah a um.

Zarhte zing nazi 7:00am ah a fapa pakhat in a nui ruang cu a hmu, a lu cu aum nawn lo. Cutin, Telangana police pawl a sim thei ih, ui fim thawn an hawl vivo ih a nui lu cu tivakap hramrul lakah an hmu.

Tualthattu cu an kaingah hrih lo ih an hawl rero lai a si. Lockdown ruangah innsang buainak tong an tam zet, lockdown sungah zohman hna an ṭuan thei lo ih sumpai an harsa thluh.

Lockdown caan an phelhsal ih zu tama pawl cu buainak an tong deuhdeuh, sumpai um lo thawn zu in an cak tuk ruangah buainak a phunphun an tuah. Kerela pacang pakhat khal a fanu ih online class kainak phone a lawnsak ih zu man ah a zuar. A fanu ih phone cu khawtlang in fund hawl in an leisak mi a si. (Ref: Wustoo)

Be First to Comment

Leave a Reply

Your email address will not be published. Required fields are marked *