Press "Enter" to skip to content

“Thih Ka Duh Loh, Ka Tih Tuk E Kapa Nih Damnak A Ka Pe Kho Loh Maw?” Tiin Cancer Zawtnak A Nei Mi Pa Hngakchia kum 5 Mi Nih A Nu Sin Ah Mitthli He A Chim!

Cancer zawtnak a neimi dirhmun caah a har ning cu a hopoh nih kan theih cio mi a rak si. chawva tampi din in i zohkhenh a rak hau tawn sinain, puitling, hngakchia, tleirawl zawng saupi dam kho loin an nunnak a liam tawn.

Hngakchiat lio ah cun, nulepa pawng um i a nuam cem i, Pathian tluk bak in thil ti kho mi ah kan ruah hna i, an pawng kan um ah kan hna ,ong a ngam cem i, kan hnangam nak le kan i nuamh cem nak a si. Nu le pa sin in a dang pi i va um diam cu hngakchia caah cun a har cem mi thil a rak si.

China, Heilongjiang khua ah a um mi hngakchia kum 5 mi cu 2018 kum ah khan raifanh zawtnak ruang ah sizung ah luhpi a si. Mahse, doctor- nih tha taktak in an check dih hnu ah a ruh le a thisen ah cancer zawtnak hrik an hmuh. A thisen var mi zong ah cancer zawtnak nih cun a ei dih cang i a nulepa cu lung retheih vansang au in can an hmang.

Pa hngakchia Wang Yan kum 5 mi cu doctor-nih thla 9 chung bak an si khawh chung in an zohkhenh ko sinain, that lei hi a panh kho bak loh tiah an chim. An i zohkhenh chung a sauh tuk cang caah chawva zong an nei ti loh, an neihchiah zong an fapa te zohkhenh nak ah cun an zuar cang hna. Sinain an fapa te cu dam lei a panh kho ti tung loh cupin ah chawva lei an harsat tuk cang ruang ah innlei ah lawipi an duh cang.

An fapa zohkhenh nak chawva an neih ti lo ruang ah cun, an celh lo butein innlei ah cun an tinpi i zeitik ah dah kan dawt tuk mi kan fapa nih an kan liamtak lai timi lawng mitthli he an hngak ko cang. A konglam a van i theih cun Wang Yan nih cun, mitthli he “Ka nu thih ka duh loh, ka tih tuk htinghran e.

Kapathian nih a ka chanh kho loh maw?” tiin a nu sin ah cun a tah butein bia cu a chim len. A nu le pa zong nih cun an fapa te damnak le zohkhenh nak ding caah chawva an neih ti lo ruang ah cun, ti ask thei tung loin an dawt tuk mi an fapa te pawng ah cun mitthli lawng an hnemh ve cang.

Hilio can ah hin anmah konglam zong zsihmanh a rak thei lo mi Samari mitha group pawl nih cun an fapa Wang Yan zohkhenh nak ding caah tiin, Fund an kawl piak colh i, a dam khawh than nak ding caah an si khawh chung in an i zuam tiah thawngtheih a si. Hngakchia nulepa zong nih hi bantuk a bawmtu hna minung cung ah cun lomhnak bia an chim ve.

Be First to Comment

Leave a Reply

Your email address will not be published. Required fields are marked *