Press "Enter" to skip to content

Thihdar : Tahan ah Chin Tlangval Meithal Kahnak in Nunnak Liam

Tahan ah Chin Tlangval Meithal Kahnak in Nunnak Liam
————
Apoi tuk hringhran ai e aw, mah thawng theih hi ka tih tuk mi a si ai e. Tahan ah ralkap meithal kahnak in Chin Tlangval no Sangte cu tu zanlei sml. 6:00 hrawng ah a nunnak a liam. Nihin Tahan ah Chinmi pahnih an nunnak a laim cang.
ကလေးမြို့တွင် ချင်းလူငယ်တစ်ဦး ကျဆုံး
——–
ကလေးမြို့၊ တာဟန်းပင်မခံတပ် ပစ်ခတ်ဖြိုခွင်းရာတွင် ချင်းလူငယ် Sangte သည် ကျည်ဆံထိမှန်ကာ ညနေပိုင်း ၆ နာရီခန့်က ကျဆုံးသွားခဲ့သည်။ The Chin Journal

thawngdang relchap : India Lei Tlikzam Tih A Nung Chin Chin Lai: Manipur Cozah Cathanh
=======================================================

Ralkap uknak duh lo ruangah India ram lei ah a zammi an tam ngai cang. Hmasa ah cun palik deuh an rak zam nain atu ah cun ramri naihniam deuh ah a ummi khua mipi cheukhat zong India ram chungah an lut ngai cang. Tam deuh cu Mizoram ah an lut. Nagaland, Arunachal Pradesh le Manipur lei zongah a lutmi an um len.

Mizoram cozah le mipi nih cun an ram chungah a zammi/aa dormi hna cu a si khawh chungin an zohkhenh hna, an bawmh hna. Central cozah zongah biatak tein an chimrel. An ram ah kua than hna u nan kan ti zongah kan kua kho hna lo, kan unau kan thisen khat an si tiah Central cozah cu an ti hna. Central cozah i Ministry of Home Affairs ca chuahmi tiang ZORO nih an khangh. Asinain Central cozah nih phungning tein ralzam a cohlan lo caah Mizoram ah i dor zong hi hna a ngam thlu lo.

Cu chimchap ah Manipur cozah cathanh a hung chuak. Myanmar in a rami ralzam hna luhter lo ding le a lutmi cu kuat than ding timi nawlpeknak cathanh a si. Hmasa ah cun Manipur CM nih kan ram chungah a rak lutmi cu lunglawm tein kan in don hna, kan in zohkhenh fawn hna lai tiah a rak chim. Asinain atu ahcun ralzam hna luhter lo ding le a lutmi zong kuat than an si lai tiah ca a chuah than. Cathanh/cachuah chungah cun hitihin aa tial.

Myanmar ram buainak ruangah ramri ramkulh hna (Manipur telh in) in ralzam an rak lut ti kan theih. Hi kong he pehtlai in a tanglei hi tuah hrimhrim dingah nawl kan pek.

District Administration nih umnak le tirawl bawmhnak nan tuah lai lo. Zatlangbu zong nih umnak le tirawl bawmhnak nan tuah lai lo. Fakpi in hliam a tuarmi le thlop a haumi an um ahcun minung le minung i dawtnak in nan zohkhenh ko hna lai. Asinain a rak lutmi hna cu kuat than an si lai. Hi nawl chuahmi hi March 30, 2021 in hman a si lai.

Crd: Chin Post

Be First to Comment

Leave a Reply

Your email address will not be published. Required fields are marked *