Press "Enter" to skip to content

Thingtum Lian pi In A Karkalak A Sawh Thluahmah Nain, A Zeihmanh A Poi Lo Mi Putar Khuaruah Har Pakhat Cu A Si Ko (+Video)

Kum 300 renglo a rau cang mi Chinese Iron Crotch Kungfu timi cu China ram Henan ramthen ah hmuh ding a um rih i Wang Liutai timi putar kum 65 nih midang a cawnpiak tawn hna. Amah nih cun kum 50 tluk rau in a Kap karlak thir patung kungfu cu a rak cin lengmang nak kong a chim i thingtum in a karkalak a sawh zong ah a zeihmanh a poi bal loh.

Chinese kungfu lak i ai tel mi pakhat a si i hi bantuk kungfu a thiam mi an tam ti lo tik ah dih sawhsawh lo ding in, Wang Liutai cu Juntun Martial Arts Academy ah midang a cawnpiak than tawn hna. Tu ahcun amah lawng si ti loin, kutzung thiam taktak a nei cang i, a kutang pawl zong thingtum in an kap karlak a sawh tikah a fak ti nak zeihmanh a nei ti loh.

A mak tuk mi cu an cawn ter le an cawn cuahmah lio ah, an tilmu a kek dih ding in ruah a rak sinain, an til zong a kuai ti loh i, an thiam hnu cun, thintum nih a sawh hna zong ah an tilmu a fak ti loh .Thingtum nih sawh mi cu a fah tuk ruang ah dir kho ti lo tiang in an pet hnulei ah an chawi ko nain, an til le zahmawh nih zeihmanh a tuar lo mi cu vawlei cung minung nih an khuaruah a har mi a si.

Cawnpiak tu cem Wang Liutai nih cun zeihmanh phan ding le tihding a um loh tiah a chim i, thiam hnu ah cun fahnak hrimhrim zeihmanh a um ti loh. Tuah tam le cak chinchin, hngetkhoh chin chin a si tiah amah bia a hal tu pawl sin ah chim nak a nei. ( Reuter)

Be First to Comment

Leave a Reply

Your email address will not be published. Required fields are marked *