Press "Enter" to skip to content

Thitumh Hlan ah Nungak Tlangval Hmunkhat Um Awk asi Maw? (Living Together hi atha Maw?)

living together in Na duhmi Nungak Tlangval he hmunkhat um hi a tha maw timi biahal nak hi laimi zongnih biatak tein kan ruah awk ah ka tha ngai.cun mahbiahalnak ah kan ruahchih ding a si mi cu Zeiruangah dah hmunkhat umti cu aherh nak?

Na Dl duhnak tlinter nak caah maw ihti nan duh? acheu nih cun zi le za i hngalhnak ding caah tibantuk hna khin an ti.. Ramdang zong an um ve ko ti bantuk hna i cawn in nungak tlangval tampi cu hmunkhat ah i um hlan i an um ti peng nak hi zeiruang bik dah a si hnga. Nupa sinak hman an duh caah maw? si lo le an umhar phentu caah maw?ti mi te te zong hi ruah chih awk tlak ngaimi a si.

A taktak le a ngaingai simi kan lai Nun phung ah cun nungak asi mi nih cun , mi zei pa he hmanh i umh hlan ah cun hmunkhat umti khawh asi lo ti cu kan hngalhmi a si ko nain kan chan hi a lingtalet in a kal dih ai cang. kan lai mi tampi chung zong i Nungak tlangval i umh hlan hmuhkhat umm kan tak tuk cang ti cu mithmuh le kuttongh bak an si cang.

Hiti hmuhkhat umti nak nih a chuahpimi cu theihbu in siseh theih lo bu in siseh fano thah a tamtuk nak aruang cu hi bantuk hmunkhat umtinak in a si ti cu chimkhawhtuk a si. cucaah, Zeiruang ah hmunkhat umti cu nan duh ti biahalnak hi mah le mah i hal cio zong ah atha.

Ramdang mi pawl Living together ummi tampi an um ve. sinain, an nih cu Zankhat i kawmhnak ca, i kawmh deuh cun a tu le tu i hmuh tonnak ca, thuk deuh i theih cun pakhat in ah i thial tibantuk, i thei deuh ah cun thitding taktak ah halnak le i theih hnalh deuh ah cun thihhlan lo thit le vat ding ca tiang khin an i zoh chungnak ah a cang. hi thil hi atha mi a lo ko nain atha ko na ti ve dik maw?

Si cun hmunkhat ah Duhmi Dawtmi nungak Tlangval he umti dingah kanmah dirhmun in tah zei bantuk dirhmun ah dah kan dir. Atambik cu atu le atu i hmuh duh ruang zong ah si ko hnga, cun a cheu cu zankhat diriamnak ca zong ah a si ko hnga,a zei bantuk zong va si ko seh.

cheukhat pa nih an chim lengmang mi cu duhtak lo zankhat ca tibantuk in nungak komh hmang mi kan um, Tawan na lak khawh lo ding nu kha umpi cu chim lo len zong i timh lo ah atha. hi bantuk ruahnak ngeihbu i ruah lo piin fa an pawi tik ah fatah tibantuk hi a zohchia ngaingai mi a si i pathian duh lo mi thil zong a si.

Nungk Thiang na si nak thlau lo ding le Tlangval thiang na sinak thlau lo ding hi a biapi tuk mi asi. voikhat i chuah sual ah cun chanchung anguhmi ningzahnak achuahpi. ummti thengang tein dawtnak ser duhnak a phi chuak cu ningzahnak a si. Alanghlat in i duhdawtnak cu zeihmanh nih cawk khawh lo mi a thainghlimmi duhdawtnak a si.

Pa Nih Na Nungak Na duh na Dawttak,le a zawn na ruahtak cun zeitluk umti le riah an sawm zong ah al bak ding, khakha na duh dawt lo si lo in, Nu a sinak na upatpiak le na hmaizahnak na langter lawng si lo in Pasal na si nak alanghnak ka zawn ah khan a lang.

Cun Nungak zongnih Na sawm i aduh lo zong ah a ka daw lo a ka duh lo ti si lo in, a ka dawtbak ti ruahnak he theithiam ah cun nan pahnih caah thil hman le thil tha si.

I thitum hlan i hmunkhat umti i zei sualnak nan tuah lo zong ah Mi nih lunghrinhmi nan si cang i nan thur cang. mah caah cun thit e vat ding taktak i na duh na dawt mi Nu pa cu a langpar in kan mit te i i zoh kha atha bik i athiang bik. kha ti ka ti tik ah na leng lai lo na tong lai lo ka ti nak si lo in, umti theng hau lo in mah le umnak inn cio te in i len kai i hmuh ton hi atha bik ti duh nak a si.

cucaah, a si khawh ah cun i thit i umhlan ah cun umti lo hi atha bik.

Credit: Burmesehearts

Be First to Comment

Leave a Reply

Your email address will not be published. Required fields are marked *