Press "Enter" to skip to content

Thlacam In Bawm Usih : Salai Ngun San Aung Cu Ralkap Nih Tlaih Dingin Warrant An Chuah

Hakha mino cawlcanghnak ah bochan taktak mi, tulio Ralkap duh lonak langhter nak, Ralkap dohnak caah le Sandah piahnak ah biatak tein a cawlcang mi Salai Ngun San Aung cu tlaih colh ding in Kawl ralkap nih Warrant an chuah tiah kan theih. A mah hi Hakha mino lakah bochan ngai ngai mi a si, Sandah piahnak zong ah hmaisuang in a kal mi a si caah Kawl ralkap nih tlaih ding in an kawl cang hi asi.

Hi kong he pehtlai in a mah Salai Ngun San Aung nih “Ralkap nih Warrant an chuah i tlaih dingin an ka kawl cang. I tlaihter ka duh rih lo caah kaa thup ta lai. Ka himnak ding thla ka cam piak cio uh” tiah a langhter ve.

Atu hi Kawl ralkap lei nih Hakha mino chung in Sandah piahnak ah hruaitu a si deuh mi, bochan deuh mi cu tlaih ding in an kawl cuahmah cang hna ti a si. Kawl ralkap dohnak, Kawl ralkap duhlonak langhter nak a linsa i zung rianttuan kip nih an rian an kal tak cang caah ralkap lei an thin a lin ngai cang tinak asi. Cu caah mino deuh, hruai tu deuh cu biatak tein venhim cio hna usih.

Salai Ngun San Aung zong tlaih ding in an kawl cuahmah lawng si loin a mah tlaih ding hrim in warrant tiang an chuah cang. Cu caah Lai mino dihlak nih dirkamh uhsih, Laimi dihlak nih thlacamnak he bawm cio hna usih. laikokekjournal

Be First to Comment

Leave a Reply

Your email address will not be published. Required fields are marked *