Press "Enter" to skip to content

Thlacam Nak Hmun ah A Va Kal Vemi Lai Nungak Pakhat nih A Pupa Nih A Rak Tlaihhrem Lengmang nak Kong A Phuan Dih

Aluancia thla nga ah, kan hawi le pawl he thlacamnak kan rak ngei tti hna. Cu thlacamnak kan rak ngei tti hna lioah kum 21 hrawng a si mi kan nau nu pakhat nih a hngakchiat deuh lio i thil a ton mi kong mitthli he a ka chimh. Cu kan nau nu nih a rak ton mi thil cu tlaihhrem a si. Apu Pa nih a rak tlaihhrem. “Ziah, na Nu na Pa na chim hna lo maw?” tiah kan hal tikah ka Nu le ka Pa nih an ka zumh lai lo caah ka chimh ngam hna lo a rak kan ti.

Hi kan nau nu bantukin an Pu le nih ning cang loin tonghtham a tong ve mi kan nau le pali ka theih mi an um rih. Ka hawipa pakhat lebang nih cun panga nakin tam deuh a theih hna. Mah bantuk in Inn Innkhat ah um tti mi Pu le nih tlaihhrem/ning cang loin tonghtham ruang ah kan nau le nunnak a rawk mi an um thlauhmah cang.

Cucaah Nu le Pa vialte hna, kan fale nih “amah nih, anih nih cu ti cun a ka tuahto e” an in ti hna ah cun zumh loin um hna hlah uh. Tha tein thil a si tak le si tak lo hlethlai uh. An in chimh hna bantuk in thil a si taktak ah cun nan nau, nan u, nan chungkhar an si zong ah cozah phunglam bantuk tein thil tuah ding in forh kan duh hna.

Cun, a si kho ah cun, fa nu a ngei mi paohpoah cu nan inn ah nan chungkhar pawl um ter hna hlah uh. Nan um ter hna zong ah zeitik hmanh ah nan fa nu le he inn ah kal tak hna hlah uh.Cun, an mah lawng in nan kal tak hna hmanh ah “Aho nih zei an ti maw ka fa nu?” tiin tha tein hal than hna uh law ti hi forh kan duh hna. chinlandtodaynews siannak in lak mi a si.

Note : Hi kong hi a taktak bak in a tongtu nih a chim lio i a um vemi Lal Levi sin in theihmi a si caah a hman taktak mi a si . Photo : Lal Levi

Be First to Comment

Leave a Reply

Your email address will not be published. Required fields are marked *