Thongpang ttha : Police Sakhan A Kaang Thluahmah Cang
Kawl Palik Sakhan Mei In An Khangh Ve Cang.Thawngpang tha taktak a si. Tuzan ah palik sakhan mei in an khangh ve cang ko hih.Mahhi palaik sakhan a kanghnak hi Pintaye timi palik sakhan a si i Phakan ah a ummi a si. Palik tuahsernak a that lo caah an sakhan mei nih a kangh ve cang. Mipi nih an khangh piak mi hna a si lai tiah an zumh.
Ralkap nih uknak an lak hnu ah palik le ralkap an sual chin lengmang. Palik le ralkap nih dai tein sandah a piakmi mipi kha meithal in an kah hna. Nihin Feb 28 lawng an minung 20 meithal kahnak in an nunnak a liam i minung tamtuk hliam an tuar. Mimung tamtuk an tlaih hna.
Ralkap nih uknak an laknak nihin cun ni 28 a si cang. Hi chung ah minung 700 reng lo an tlaih cang hna. Minung 40 tluk an kah thah cang hna i minung 100 reng lo hliam an tuar cang.Palik le ralkap nih ralkap uknak duh loin dai tein lam a zawhmi mipi kha tinh ciamman tein sniper hna in an kah hna. Ralkap kah bak in an kah hna. Hihi vawlei cung pi sual a timi a si.
Vawlei cung ram dihlak nih Kawl ralkap cu sual an phawt hna. UN nih voi tam ngai Kawl ralkap cu ralrin an pek cang hna. Sipuazi in dan an tat hna. Sinain Kawlram nih UN ralrin peknak cu zeihmanh ah a rel lo.Mipi an thin a lin tuk cang. Dai tein sandah piah ding an ti ko nain an thin an i sum kho ve ti lo. Cu caah a tu zong Pintaye palik sakhan cu mei in an khangh ve cang.
Tlangcung hriamtlai phu zong nih Kawlram palik le ralkap cu ready tein an bawmh ko hna. Canrem a hum ahcun an ril zong chuak viar in kah ding in an bawmh ve ko hna tiah theih asi.
