Press "Enter" to skip to content

Thongtla Chuak Kaa Chinmi 8 Hna Cu Bawmh Hau In Lung Rethei In An Um Ko

Thailand ram i thawngtla mi myanmar mi 120 hna cu Thailand ram nawlngei tu hna nih thawnginn in an chuah hna hnuah ramri ah an kuat hna i ramri in an umnak hmun ciao ah kuat ding an si. Motor hmemi 10 hmangin phurh a si i motor hmemi a ciankuan lo ruangah motor nganmi cu bomhnak hal in Mon ramkulh an phanh pi hna.

Cozah ca chuah ning ahcun Mon ramkulh in Pago i kuat ding an si. Minung 120 lak in cheukhat cu Karen le Mon ram i an um ruangah Mon ram in Pago an kalpi mi hna cu 40 an si i lamlak ah 2 an tum . Pago an phanh hlante ah tuanvo neitu pawl an phone hna i Pago luh rak siang loin Yangon ah kalpi hna u an rak ti. Motor mawngtu nihcun Yangon ka phanh pi hna ahcun ho nih dah a rak buaipi hna lai tiah a hal hna i cozah lei kan rak chimh hna lai tiah an ti.

A sinan, Yangon an luh tikah cun buaipitu hohmanh an rak um lo i motor mawngtu cu a khuaruah har lungre theih taktak in a um cang i Pale Mitat sinah bomhnak a hal. Pale mitat nih cun eidin ding an pek hnu ah mibu dang sinah bomhnak an hal piak hna. Cuti cun Cutin, miphun dang pawl cu an an miphun hruaitu upa hna nih an umnak hmunah an va hruai hna i Chinmi Tedim mi 8 cu hruaitu nei loin an um.

Tuzan cu Pale mitat motor chiahnak hmunah an riahnak ding tuahpiak a si i eidin zong an rin hna. Chin mibu hruaitu pakhat khat sinah thawng an thanhpiak peng hna i An 8 in covid 19 zawtnak an nei lo timi ca felfai te i a nei mi an si tangka tucu zeihmanh neihmi an nei lo neihmi zianghman an nei lo, bomh hau in an um ko an mah chonh khawhnak ( Pale mitat sin in a ngah lai . ph-09962233772, 09775533383 )

Be First to Comment

Leave a Reply

Your email address will not be published. Required fields are marked *