Chin ramkulh, Tedim khuapi Sakaw lam sang, No.1 sianginn ah umhmun a khuarmi SAC ralkap pawl nih, May 4 zaan sml 8:30 hrawng ah duh paoh in meithal an kah caah, tualchung mi pa pakhat cu a khen i a nunnak liam pin ah pakhat hliamhma a pu tiah kan theih. A nunnak liam mi hi fa pahnih ngei Pu Kap Suan Kham(kum25) a si.
Innchung a itmi pa pakhat zong meithal kuan nih a phei ah a khen, tiah theih a si. Aluan cia 2022 April 28 Tedim khua ah zaan sml 7:30 hrawng ah Myoma(မြို့မ) sang le Luaibual(လွယ်ဘွာလ်း) sang ah SAC ralkap meithal kuan nih, Skat mawṭaw khaltu Salai Khai Lian(kum 17) zong a rak khen caah a nunnak a rak liam. Zaan sml 8:00 hrawng ah Cycle in khua chung ah a rak lut i, SAC ralkap nih chek lai a ṭih i dir loin a kal caah, a hnu leiin an kah thah hi a si. Salai Khai Lian cu Skat mawṭaw khaltu a si. Credit; The Chin Post
Thawngdang Relchap; Khrih le Thawngṭha Ruangah Hremhnak le Thihnak A Tuarmi Ko Alawhmi Thawnglatu Hna (World Press Freedom Day Vawleipi Huap Media Zalonnak Ni 3 May Capar) Ralhrang MAH nih Tadin Media tama (reporters) pawl, thawnglatu hna ahremh hna ning hi KRIH le Gospel ruangah hremhnak le thahnak a ing mi Zumhtu hmasat hna / Thawngṭha chimtu hna nun he ka lawh ter ngai hna.
Pathian Thawngṭha le Gospel chimh tu hna thlarau cu van ah akai lai nain, Thawnglatu hna thlarau cu khoika dah akal lai kan hngalh lo. Kawl biaknak ning in Minung an hung siṭhan dah tilo cun, thih hnu nunnak cah Amakhan an ngei ve lo. Kawl biaknak ah siseh, Krifa zumhnak ah siseh, miṭha rual hi hremhnak le thahnawnnak a intuar bik mi an si tawn.
Buda biaknak nih mi ṭhalo rual hi an nun khua asaunak a ruang cu an thih hnu in minung an si ṭhan ti lailo. Hnap, khah, cil, ek le nu thih chia hlawnh mi ei in apaw aa cawm mi Beiṭah timi khuachia sal hna an si cang lai caah Miṭhalo hna an nunkhua asau ati.
Cucaah, Ni Vung, Thang Sui, Khin Nyunt, Tin Sui, MAH le Zaw Melung te pawl an nun khua asau mi hi, Miṭhalo bik an si nak a langhnak tehte asi tiah Buda Pathian nih a ti mi asi. Pathian BIA ning in cun chimh herh lo khi asiko.
Pathian nih miṭha le miṭhalo thleidan loin an cung ah ruah a sur ter, Miṭha belte ruahpi le Nikhua linh a intuar deuh. Aruang cu miṭhalo pa nih a hnithawng an fir piak caah asi. Miṭha rual cu khuasik zong an tuar deuh I, rawlṭam tihal zong an tuar deuh.
Miṭhalo pa nih Miṭhapa I, a hnipuan le a tirawl vilate cu; a fir piak dih caah asi.
Mi ṭhalo rual nih an innlo an hrawk, an chut, mei an duah piak caah, Innlo loin a um tawm mi Miṭhapa asi. A ngeihchia chawva zong an fir na, an chut na, an hrawk na, ti asi Bantukin, a tikhur zong an chilh piak tawn caah, tikhur loin, mi ti aa hrawm tawn ve. Media tama, mipi le MAH te Ralhrang Rallokap hna cu; cukocu kan lawh ve ko. Danglamnak tla aum lo pi kan ti ken?
3 May 2022 cu World Press Freedom Day timi Tadin Media Zalonnak Ni sunlawi camtuak asi. Democracy ah Innkil lung (Pillars) pali aum. Power from People (Mipi nawlngeihnak), (Equality & Equity) Thleidan lonak le Tlukruannak, (Freedom) Zalon tein khuasak nak, Biaknak, chimhrel khawh nak, ṭial khawh nak, mah duh mi Zalon tein langhter khawh nak.
Ahnu bik ah Tadin Media Zalonnak hi asi. Media le Tadin a Zalon lo ahcun Democracy asi khawh lo. Federal cu Lamlam kan ti kei. Ram ṭha, ram ṭhancho asi khawh lo I, nun Duhdim in khuasa khawh asilo. Alamkip in ṭhancho khawh asi ve lo. Media Zalen lonak ram ah MAH te hoami Kawl Ralhrang cozah cu a 3nk asi. Amah tang ah Ram hnih lawng an um. Afghanistan le Sudan (or) Somalia ram ansi rua ka ti.
Nuhrin Covo le Democracy Innkil lung (4) hi Pum le Thlarau bangin ṭhen khawh asilo. American cu Democracy Pabik asinak cu Nuhrin Covo le Tadin Media Zalonnak kha Amakhan tu asi I, 100% Zalonnak apek caah asi. Vawleipi ram ṭhabik kan timi hna hi Nuhrin covo le Media Zalonnak hi poimawh bik ah a chiah mi an si.
Nuhrin covo le Media Zalonnak cu Bible amuru asi caah Pathian BIA asi. Tlingter cikcek awkah Pathian nih fial mi le nawlpek mi asi tiah an zumh. Cucaah Buda ram le Muslims ram ah Democracy a hlawhtlin tawnlo nak hi asi.
Phunghrampi le upadi in an veng tuk ko nain, Media tama tampi cu hremh le Thahnawn lengmang thotho asi caah,
Vawleipi huap Media Zalonnak Ni an tuah hnawhchan hi asi. UNESCO nih an thanh ning ahcun, 2021 kum ah an thah mi Reporters le Media tama hi (55) an si. An tlaih, an hremh mi le thong an thlak mi hi (350) an si.
Media Tama rual hi Pathian fa le an si tiah POPE Francis nih a ti. A cawnglawmh hna, a thangṭhat hna, a cawuisan hna, upatnak apek hna. May Day ah, Vatican tual ah aapumh mi mibu sin ah an chimh mi bia roling asi. Pope Francis nih Media kong a chimh mi cu: Tadin Media Zalonnak an khumzual buin, mipi harsat intuarnak vialte chimhphuan awk ah ṭihphannak pelte hmanh um bak lo tein,
Tadin an lak khawh zungzal caah upat lo awk an ṭha lo. Paput langcawih ding tlak Pasal ṭha / Nusal ṭha rual, Vawleipi nih hmaizah in upat awk tlakmi Media tama hna an si. Ukraine ral ah Tadin lak tu hna cu upa awk ah an I tlak hrinhran dah, nunnak pekin mipi le Vawleipi caah rianṭuan mi ansi. Ukraine ral ah an thah mi Tadin Media Tama hi (7) an si cang. Russia nih Ukraine ral kong ah thawngpang alak mi cu Russia mi an si ah, Urkraine an si ah, aho poah an si ah, a ral hna, Thahding ah an duhbik mi hna an si ve.
Tadin Media cu kan Hawikom asi I, kan ral zong asi. Cozah ṭha le uktu ṭha caah Hawikom ṭhabik asi. Uktu le cozah ṭhatlo mi caah cun an ral nganbik ah an I ruah ve. Zeitintiah, mipi sin le Vawleipi ah rolung bunh an si tawnnak cu Tadin Media ruangah asi tiah, Ralhrang uktu hna nih an zumh hna. Thiamlo mi hna thiamcoter tu cu Media ruangah asi.
Media a zalon I a ṭhancho ahcun, Vawleipi ah pumpak in siseh, abu in siseh, ram le miphun ah siseh, Cozah le hruaitu ah siseh vanrang tawi thang ah asersiam tawn hna. Vawlei pi ah Media a thiam bik mi cu American le UK England an si. An ram minung hi Vawleipi nih theihhngalh mi le Cungnung bik ah an I sersiam tawn hna Media nih.
Kawlte hi CHINMI nakin Media an thiam deuh caah, kan mah nakin a thiam hlei mi an lawh tawn. Bianabia ah Bo Nagar le Bo Tanmani hna khi Media an thiam, Media an hmang khawh hna caah, Paucan Dohthlennak Fidi le Arfi ah an I chuaksiam bak ve. Bo Nagar le Bo Tanmani nakin a mak deuh l afit deuh mi CDFs Ralbawi rual tampi an um dakaw. CHIN Media nih an cawisan thiam hna lo, kan thlirh khawh hna lo caah asi.
CHIN MI caah mikut ah savo a ngn deuh zungzal. Mah kutke tohnun kan ngeih khawh hrim rih lo caah asi. Aruang cu kum (70) Kawl uktu Ralhrang nih rialdip mi kan si caah asi. Kawlte nih fir le sal lungput an kan phawr. Paucan Dohthlennak ah hremhnak, thongthlak mi, kahthat mi, hremthat mi , tbk Media Tama vialte upat peknak caah roca ai ah ka ṭial mi capar asi.
Chin Media tama vialte paput langcawih nak le upat peknak capar zong asi chih. CHIN Tadin Media Tama le Media ah ca ṭialtu vialte, hi capar in Upatnak le Thangṭhatnak kan pe hna. TEINAK kan hmuh hlan lo tiang, lungṭhul loin, Keyboard Fighters le Social Media Sniper si rih ko uhsih tiah sawm buin,…. Credit; Zingtincuai Cinzah
Be First to Comment