Press "Enter" to skip to content

Tih Nung Ko : CNLD Pawl Nih Matupi Khuami Nu Pakhat Cu Kan Party Ah Vote Na Pek Lo Ahcun Kan In Thah Lai (+Video)

CNLD Pawl Nih Matupi Khuami Nu Pakhat Cu Kan Party Ah Vote Na Pek Lo Ahcun Kan In Thah Lai Tiah: Mah hi Matupi khuami Daw Tin Swe timi nu a si i a mah um tein a um lioah CNLD party caah mipi sin ah vote pek dingin forhfialnak a tuahtu CNLD party he ai pehtlaimi CNLD party ah upa a simi U Law Han timi nih hi bantuk in a va ti hi a si tiah an chim. U Law Han hi Matupi ah a ummi khuabawi tiah an timi zong a si i a sining dik taktak cu an chim kho loh. Daw Tin Swe cu a mah tein a inn ah a um lioah U Law Han nih a va luh hnawh i cu ticun ttha tein CNLD party a tthatnak kong te hna cu ruah le chimh u loin CNLD party caah vote na pek lo bak ahcun kan in thah lai tiah a va tlerh tiah an chim. Cu caah Daw Tin Swe cu a ngeih zong a chia tuk i zei chim awk ding bia zong a thei kho lo tiah tiah theih a si.

A ruang cu vote pek kongah hin mah duh thimnak a si komi kha hi bantuk in force hmang in thah le nawn ti bantuk in tlerh a tong caah a si i Daw Tin Swe nih hin CNLD party ah vote pek lo dingin a hlankan tein timhnak a rak ngei cangmi a si. U Law Han nih CNLD party kong a chimh lioah hin hi nu nih hin a ngai huam pah loh i cu caah U Law Han nih ka chimmi hi na ngai huam loh tih tiah a ti i hi bantuk in thah le nawn dingin a tlerhnak hi a si.

Hi hi zoh tikah CNLD kan timi hi mah bantuk in maw mipi cungah force a hmangmi le thah nawn tiangin mipi a tlerhtu an rak si timi hi lung hrinh awk a um ngaimi a si. Cu caah hi bantuk in mipi duhnak zoh loin an mah duhnak lawng a zohmi CNLD party hi vote pek awk an tlak le tlak lo timi cu nangmah tein i ruat ve ko cang timi hi chim kan duhmi a si.Ref: Chinland NLD group

Be First to Comment

Leave a Reply

Your email address will not be published. Required fields are marked *