Press "Enter" to skip to content

Tih Nung Taktak : Kala Pawl Mizo Pa Cu Nam In A Tuk I Fak Tuk In Ai Hliam (+Video)

Mizoram le Assam ramri kong buainak cu daih lei panh lo in a linsa chin lengmang.Nizan October 17 tiang ah khan Assam civil mi le Mizo civil mi kalak ah thisen chuah nak tiang a phan cang .Tuzarh zarh hramthok ahkhan Assam palik hna nih Mizoram ramri i mizo thlam an khangh piak hna hnu ah Mizoram lei in ramri vengtu ralkap meithal he zei mawzat an zuang ve i Assam palik hna nih ramri ah buainak pakhat khat an tuah ah cun kap colh dingin nawlpek an si .

Assam lei in thawngpang a daih caah zarh donghlei ah Mizi ralkap ramri duty mipawl cu ramri in an tlung i minung 5/5 lawng meithal he an duty .Hi lio ah Assam lei in civil mi zei mawzat nih mizo duty pawl cu a va zuan hnawh than hna i an buk sak mi zong an khanghpiak dih than hna.Civil mi kah nak nawl an ngeihlo caah Mizo palik pawl cu an cawlcang kho ti lo tiah theih a si .

Thawng kan theihthan ning ah nizan zanlei sang ah khan ramri hrawng i a um mi Mizo tlawmpal hna nih an thin an i sum kho ve tilo i thingtan le namtong he Assam pawl cu an va zuan hnawh ve hna i Assam pawl nih Mizo pa pakhat a hngawng ah namtong in an rak sat i sizung ah an tlikpi colh .Lampi ah a thi tiah thawngpang a thang manh nain a thi deuh lo a nung rih ko tiah theih a si .

Cuthawng pang cu Social MEDIA ah a thang colh i Mizo mipi thinhang in ramri pawng Mizo khua mipi hna nih an va zuan hnawh ve hna i Assam pawl cu khua ah an zam . Mizo mipi pawl nih cun an khua ah an va luh hnawh lawlaw hna i biatak tein an buai , Mizo pathum fakngai in an rak hliam hna i Assam leimi zong zei mawzat thisen an chuah ve hna tiah kan theih .

Hi buainak a linhsat tuk mi cu Aizawl lei ah an hei thanh colh i Aizawl lei in mino hruaitu zeimawzat ramri ah an hung zuang colh ve .Mizo sianghngakchia MZP hna nih ramri hrawng i Mizoram chung i Kala pawl inn/dawr an hmuh mi poah an khangh piak thluahmah hna i inn/dawr 10 hrawng cu an khangh manh tiah theih a si ve fawn .

Hitluk buainak a linhsat lio ah hin Assam lei in siseh Mizo lei in siseh Palik hrim an i thlak ve lo tiah theih a si fawn .Zanhan zan zantim lei ah khan hi buainak hi ziamh lei a panh i tuzing zarhpini zingka ah Aizawl lei in MNF hruaitu le Mizo mino zeimawzat ramri ahb an zuang than , ramri ah Assam lei thawngpang a dai .

Tuchun zarhpini chun laifang i thawng kan theih ning ah cun Mizo lei he Assam lei he palikk meithal he timhlamh nak an ngei cuahmah cang tiah theihthan a si . Hilio ah Aizawl lei in siseh mizoram khuate dangdang lei in siseh meithal a ngeilo mi thingtan le namtong i ken in ramri ah vulenteer in Border security ah an i pe thluahmah ve cang tiah theih a si fawn .

Mizoram ,Assam ramkulh lei khuate ah a ummi kala pawl cu Mizo mipi thinhan nak an tih ruang ah ramtang ah an zaam dih tiah kan theih , khuadang zong ah khuachung ah kala pawl lengchuak ngam an um lo tiah kan theih fawn . chinlandtodaynews siannak in lak mi a si.

Be First to Comment

Leave a Reply

Your email address will not be published. Required fields are marked *