Press "Enter" to skip to content

Tihbual pawl nih Kan Naa-sa An Rak Can Dih Timi Kong ah Fianternak ‘Tihbual Lei nih An Tuah

Tihbual khuami Pu Ceu Mang phuhri ah hi naa-tum hi Pu Rual Lei le Pa Bawi Uk nih a ruak in an hmuh .Farrawn khuami tlangval pakhat (Ling Kon naupa) zong a ruak hmutu ah hin aa tel ve .

Pu Duh Tling (Pu Rual Lei tupa) naa a si tiah an ruah caah , Pu Duh Tling cu thawng an hei thanh colh . Pu Duh Tling nih cun a saa rak can chung awk ah a rualchan pawl a sawm hna. Pu Duh Tling a va phak tik ah cun a saa cu an rak can dih cang i , a kawrong a van zoh tikah a mah naa a rak si than lo.

Khuami dang naa a si hnga maw tiah an zoh cio tik ah kan naa a si lo an ti cio .Cutikah Farrawn kan unau naa a si sual hnga maw tiah an chawnh hna tik ah Pu Nawl Uk naa a si lai an ti .Pu Nawl Uk (FARRAWN) cu a rak phan i Tihbual pawl nih hi naa a thimi hi Pu Duh Tling naa ah kan ruah sual i kan i palh.

Nangmah naa a si maw ?Asaa zong pakhat hmanh kan phur lo nangmah lungtling ten awh an ti . Cutik ah , Pu Nawl Uk nih cun “Nan rak can cu a tha tuk kei cu ka riantuan nak te a si le a sa ei zongn ka duh lo, a mui hmuh zong ka duh lo” tiah a leh hna .Cutik ah Tihbual pawl nih cun “A zeisihmanh ah na zatla tuk,facang tuanlio nan si fawn le na riantuan pawl ca tal ah an ti i a lu le a sa cu Pu Rual Lei le Pu Nawl Uk tupa (Bawite) nih a thlam ah an va chiah.

Pu Nawl Uk a nulepa nih “Hitihin nan rak fimtawl cu a tha tuk,rak hmu hlah u law a thu dih ko hnga cu te,a thatuk ko ” an ti .Citukah Tihbual pawl nih “A sa kong ah nan siarem ning tein khuami zong phone ka in chawnh piak ko hna lai” an ti i Pu Nawl Uk nu nih” A hau lo a thu dih lak ding pei a si ko cu ” a ti hna .Kan hnakkar ah a tang tuk mi Uk Te ,

Thinlung in kan in ngaihchiat pinak mitthli hna hi , Ningzah le ngaihchiatnak sertu ah an cang te sual hnga maw ?? By , Tihbual na nelthuang hawi pawl

Be First to Comment

Leave a Reply

Your email address will not be published. Required fields are marked *