Press "Enter" to skip to content

Timi Lei A Kalmi SAC Ralhrang Le An Motor Hna Cu Kan Ralkap Hna Nih An Kah Colh Hna

Breaking News! Timit Lei Kalmi SAC Ralkap Pawl Chin Ralkap Nih An Rak Kah Hna! Chin ramkulh, khualipi Hakha ah nihin July 30 ah kahdohnak a chuak, Meithal thawng le bomb thawng pehtlai in a thang.

Khuami pakhat nih,” Timit lei ah kahdohnak a chuak. Zing sml 11:30 hrawng in bomb thawng le meithal thawng cu 12:37 tiang ahhin a dai rih lo. Hakha khua chung hmanh in a thang tuk,” tiah The Chin Post ah a chim.

“Timit hlei donh ding ah atu hi SAC ralkap pawl cu timit lei ah a phanmi an um cang. Cucaah Timit ah lei ngei le lo ngei hna lawng si loin khualtlawng mi zong ralring tein um a hau,” tiah a chimchap. Credit: The Chin Post

RELCHAP>>><<<< Sagaing Ramṭhen, Aung San Generation Monywa Hriamtlai Phu Nih SAC Ralkap Bomb An Puah Hna I, Ralkap 2 An Thi: Sagaing ramṭhen Monywa nitlak chaklei SAC ralkap chekhlatnak gate cu July 28, chunhnu ahkhan bomb kan puahhnawh hna caah SAC ralkap 2 an thi, tiah Aung San Generation Monywa nih July 28 ah cathanh an chuah.

 

“Cu kahdohnak cu SAC ralkap nih ning cang lo hrithlai in an thah mi hna U Jimmy, U Phyu Zayar Thaw, U Hlah Myo Aung le U Aung Thurah Zaw ca ah lehrulh cham in kahdohnak kan tuahmi a si. Cu kahdohnak ah cun kan mit hmuh ah ralkap 2 an thi,” tiah Aung San Generation Monywa chungtel pakhat nih a chim. Aung San Generation Monywa nih cun a herh ning in cawlcanghnak kan tuah peng lai, tiah an cathanh ah cun an langhter.

Aung San Generation Monywa le tualchung hriamtlai phufonh hna nihhin July 27, zaan suimilam 8:30 hrawng zong ahkhan Butalin(ဘုတလင်) palik sakhan cu kutser bomb an chehhnawh hna i, SAC ralkap 8 hliam an tuar, tiah theih a si. Credit; The Chin Post

 

Pathein Ah Mino Zeimawzat Cu SAC Ralkap Nih An Tlaih Hna!: Ayarwady ramṭhen, Pathein ah SAC ralkap nih social media (Facebook) ah dohthlennak kong a taartu mino hna cu an kawl hna i an tlaih hna, tiah tualchung mi nih an chim. SAC kuttang um Pathein pengkulh uktu nih social media in SAC ralkap kuttang um sianginn a kai mi hnahnawhnak a petu PU Social Punishment Admin cu an tlaih lai i, dantatnak kan tuah lai, tiah July 27 ahkhan cathanh an rak chuah.

”PU Social Punishment group Admin kawl ding ah phaisa phalhnak zong an tuah i, nizaan July 28 ah minung 20 hrawng an tlaih cang hna, a tam deuh cu mino an si. Hriamtlai phu hruaitu hna he Facebook ah pehtlaihnak a ngei mi zong an tlaih hna,” tiah Pathein khuami pakhat nih a chim.

Tlaihkhih a tongmi mino tam deuh cu an Facebook account hnu zulh in an dawi hna i an tlaih hna, tiah theih a si. SAC ralkap nih nawlngeihnak an laak hnu ah ramkhel lei cataar le lamzawh lio hmanthlak an taarmi hna cu dalan nih an khawmhsuat i, SAC ralkap sin ah thawng an thanh tawn hna caah tlaih an si, tiah khuami nih an chim.

“Atu lio Pathein dirhmun cu thinphang ngai a si, tlaihkhih a tong mi hna zong an min le an kum fiang in theih an si rih lo. Tam deuh cu University kai lio mi, CDM cawlcangnak a tuahtu an si lai, tiah zumh a si. Aho theih lo in SAC ralkap nih mino an tlaih tawn hna nak cu zarhkhat hrawng a si cang,” tiah Pathein khuami pakhat nih a chim.

Ayarwady ramṭhen media hna nih ramkhel lei kong ca an taarmi ah dawhcah lo in comment a ṭialtu hna cu kherhhlai i, tlaih ding ah SAC ralkap nih timhtuahnnak an ngei, tiah theih a si. Credit; The Chin Post

Be First to Comment

Leave a Reply

Your email address will not be published.