Tlang Cung Hriam Tlai Hna Cu, CRPH Nih Phung Ning Tein A Pawm Cang Hna
CHPH nih tlangcung hriamtlai phu vialte hna cu phungning tein a pawn dih cang hna tiah theih asi.CHPH nih tunai te kha cathanh number 14/2021 khenh in tlangcung hriamtlai phu vialte phunglut hriamtlai ah a cohlannak cathanh a chuak cang. Tlangcung hriamtlai phu vialte cu ralhrang phu sinak in siseh, phungning lo phun sinak in siseh, hnon nan si dih cang tiah CRPH cathanh chuahmi ah an langhter hi a si.
Cu Ca Thanh An Chuak Mi Hna Cu…1nak: Committee Representing Pyidaungsu Hluttaw hmuitinhmi ralkap uknak tlak, President U Win Myint le State counselor Daw Aung San Suu Kyi telh in tlaihmi hruaitu vialte luatnak, democracy ngah khawhnak, 2008 phunghrampi hrawknak le Federal he aa tlakmi phunghrampi ser khawhnak pawl cu 202, March 5 ni ah phuan a si cang.
2nak: Pyidaungsu kawl ramchung ah ralhrang phu le phung ning lo phu ah ruahmi Federall Democracy ram dirh khawhnak caah ral a domi tlangcung hriamtlai vialte cu ralhrang phu sinak le phungninglo phu sinak inn hloh nan si cang.
3nak: Miphun rualremnak le mah tein khuakhan lairel khawhnak caah ral a dotu tlangcung hriamtlai phu vialte hna he pehtlaihnak tuah ruangah pohma 17(1) ning in tlaih in dantattnak tuaahmi vialte cu phunglut an si lo i cu tlaihkhihnak vialte zong kan fak piin kan cohlanlonak kan langhter.
4nak: Hramhram in le Phung ning loin, ralkap council nih nawl a chuakmi duh lo in CDM a tuahtu rampumpi cozah riantuantu vialte hna, mitha ralkap council doh in sandahpiahtu mipi a dirkam i a runventu tlangcung hriamtlai phu vialte, nan dihlak cungah lunglawmhnak tampi kan ngei.
5nak: Federal Democracy Union ram taktak serkho ding in a fekmi biakamnak ngeih in unau tafar lungput ngeih in hmunkhat tein aa zuam mi tlangcung hriamtlai phu vialte thinlung takin kan in cohlan hna tiah an langhter. Committee Representing Pyidaungsu Hluttaw Committee Representing Pyidaungsu Hluttaw.
Source: Committee Representing Pyidaungsu Hluttaw
