Tlang Cung Hriam Tlai Phu KIA,KNU,RCSS,TNIA Le ZRA Hna Nih Kawl Ralhrang Hna Cu An Ci Mit Lak In Kan Kah Cang Hna Lai Tiah An Chim Cang

Hi tlangcung hriamtlai phu hna hi an dih lak cun,100,000 reng lo an si cang tiah theih asi.Tlangcung hriamtlai phu hna lakin KIA le KNU hna nih cun Kawl Ralhrang hna cu,kan do hna lai i, an hram in kan phawi dih cang hna lai tiah an chim cang. KIA hna nih cun rampum paluk in i kah nak chuah hmanh sehlaw, 95% cu ready kan si ko cang tiah an chim chap.

Karen State le Karen mipi ca longah silo in, kawlram mipi hna venhimnak caah vawlei cung ramkip le kawlram mipi nih kan kut ah an chiah cang bangin,kawl ralhrang hna cu doh dingin kan ni timh cang tiin KNU hruaitu pakhat nih cun a chim.Hi bantuk in KNU hruaitu pakhat nih a chim mi hi, nizan i acting Vice President nih mipi venhimnak cu biapi tukin kan ruah lai a ti mi he khan a khat mi asi tiin KNU ca thanh nih cun a chuah.

Hi hna phu nih hin Thailand ah sakhan an chiah cang tiah theih asi fawn.KNU le KNDO hna nih cun nizan i sandah a piak mi hna cu lam an hruai cang hna i,venhimnak zawngah Ttavuan an lak cang ti si. Nizan ah khan KNU hna nih cun, Kawlram ralhrang hna cu an kulh dih hna i, ralhrang hna cu an lung dawngtuk cang i, cheukhat nih cun KNU ah luh ve an duhtuk cang ti si.

Dr.Sasa nih cun US Cozah sinah bawmhnak a hal hna i, cu a hal mi hna cu,US ram chung i aum mi kawl miphun, US ralkap a ttuan lio mi le a pension cang mi hna 20000 nih cun kawlram buainak a chuah taktak siah cun,ready kan si ko cang tiah an chim.A tu-ah US ralkap sakhan Thailand ah hriamnam le ration a phunphun a phan cang i, cu hna cu KNU Camp ah, an chiah dih cang hna tiah theih asi cang.

KNU ralkap battalion 8 hna cu kakip ah i tthen dih ding in timhtuah nak an ngei cang.A tu-ah Thailand nih Refugee a pawm ve cang caah, Kazin State chungin mipi cu Thailand ram leiah an kal thluahmah cang ti si. mahbelte Uico ralhrang hna nih an rak bawh hna i an tlaih lengmang hna caah, harnak tamtuk an tawng ve tawn tiah theih asi . Credit : World News.K.K.S