Press "Enter" to skip to content

Tlangval Pawl Nih Hrial Lo Bak Ding : Nupi ah thit bak lo ding mi nu ziaza phun5

Duh dawtnak kong he pehtlai in kan thinlung nih a duhmi lawng zoh lo in kan thluak zong in tuaktan i nupi caah nungak thim ding hi a biapi ngaingai mi asi. Cheukhat cu thinlung nih a duhmi lawng kha an zulh tikah a hnu ah chungkhar buaibai nak a chuak theu tawn. Pa nih kan i ralrin ii kan hrial dingmi nu phun 7 hna a tanglei ah kan rak langhterโ€ฆ.

1.Nu Zalonnak Tha A Pe Tuk Mi : Nu zalonnak tha a pe tuk mi nungak hna nih zeiruangah dah mah bantuk in ka dirpi le ka aupi ti mi tha tein a theih mi an um bantuk in, midang nih an chim nak lawngah theih in a cohlang mi zong an um ve. cu bantuk nungak cu hrial khawh ahcun an tha. ziah ti si ahcun na nunnak ah tampi na tuar lai.

2. Mintami bantuk si a duh mi : The Princess Syndrome timi hi tuchan nungak tampi hna sin ah hmuh khawh ngai asi cang. A fawi nak in kan chim ahcun mintami bantuk in um le i tamhmawih le thil thatha i hruk a duh mi an si. Pa an duh, an uar hna tikah muisam le pumrua a tha deuh mi paoh he i komh an hmang, cu pin ah tangka hman an thawngtuk, cu lawng si lo in inn hnawkhnai rian pakhat hmanh an thiam lo tikah a hnu ahcun chungkhar a buai kho mi asi.

3. Lunghrinnak A Ngei Tuk Mi : Lunghrinnak a ngei tuk mi nungak hna cu a thinlung ai tei lo mi an si tiah ti khawh an si. Hawikom he um zongah lunghrinh i buainak kawl lengmang, a tu leklek kan i then la tiah thihphawih, kawika kalnak paoh ah report caan hman tein hei tuah peng, a hawikomh hmai ah an tei nak kong pawl chim ah le tlau taktak an hmangโ€ฆ. cu bantuk minung cu na hrial ah a tha.

4. Tangka A Duh Tuk Mi : Minung asi mi paoh nih tangka cu duh dih cio asi ko. asinain cheukhat minung cu tangka kha an i molhpi, cu bantuk tangka ai molhpi mi nungak pawl cu fawi telek in komh khawh an si lo. Tangka ai molhpi chih mi nungak hna nih an i tlaih mi cu kan mah tel kan rum lo ah kan hawikom cu mirum le mi ngei an si lai tiah mirum deuh paoh thim a hmang mi an si. cu bantuk minung cu na zangmang hmanh ah na ruah lo ah a tha. nangmah nih a sin ah duh dawtnak na co khawh hmanh ah a dih heu dingmi tangka a zatawk in na kawl kho lo ahcun bia lo na si lai.

5. Nuamh A Duh Tuk Mi : Nungak chung zongah nuamh a uartuk mi an um ve. cheukhat cu hawi he aa kom kho mi (Social) le Nuamh haih uar hi an then zia an thiam tawn lo. Nuamh haih a uar tuk mi hna cu inn chungkhar nak in an hawikomh an tlaihchan deuh hna, tangka kha ui nak ngei lo in an hman, midang buaibai nak zongah an i tel lengmang tawn. cu bantuk cu Social asi tiah an ruah theu tawn caah asi.

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *