Press "Enter" to skip to content

Tlerhkongnak le ttantinakbu (alliance) heh tiah an dirh lenmi nihin kan dirhmun zoh ah vawlei raldai hi thinphan dai lo a si….

Russia ralbawkzik pa hnihnak (dy. defence minister) Alexander Fomin Kawlram a ra. Ralkap nih aana ting hlan zarh khat aa duh ah Russia ralbawizik (defence minister) Sergei Shoigu Kawlram ah a ra. Aana ting ding ah a lung a tling, cun a tu pahnihnak pa a ra i aana tingmi thaa an pek caah UN hi cu ruahchannak a um lo ti awk tluk a si.

January dongh lei ah Russia ralkawizik a rat lio ah hriampi a simi Pantsir -S1 (surface-to-air missile), Orlan-10 Surveillance Radar tlaihnak pawl supply tuah ding ah a lung a tling ti a si. Kawlram nih official in Russia sin in hriamnam a cawkmi hi dollar nuai 807 man a si. (The Moscow times news)

Russia Kawlram a rat lio ah Chinese Wang Yi cu Middle East ah a kal, Iran, Saudi Arabia, Turkey, UAE le Bahrian pawl ah a kal. Iraq le Jordan zong phone a chawnh hna. Russia le China nih tanti hawikombu (alliance) an ser lio i Kawlram, North Korea, Middle East ram pawl heh tiah an mah lei ttanti ding in an sawm hna.
India le Pakistan zong UAE i tuahmi kahdaihnak hlawh a tling thluamah.

Afghan daihnak biaruahnak ah US nih India zong cabuaicung biaruahnak ah i tel seh tiah Afghan tamadah sin ah ca a kuat – Russia, China le Iran an si tik ah US nih hawi a sawm ve tinak a si.

Putin nih cun Radar nih tlaih khawh lomi hriampi (Hypersonic missile- a awnak in let 5 in 10 tiang a rangmi) cu Russia tinbaw cung in minit 30 chung ah America a phan khomi kah ding ah ka ready a ti….(China le Russia hi hypersonic a ngei hmasa an si i US zong 2020 ah a rak test ve).

Biden nih cu Putin kha kan hnu zarh ah lainawn pa a ti, Xi kha democratic a ngei lomi pa ti in a hlatpi in mei a rak duah len lio ah US a kilven mi Japan le Taiwan cu thinphan dai lo in an rak um len…
South China sea ah tuluk vanlawng pa 20 hrawng a hel lengmang tawn caah Taiwan cu ral a tho kho caah i ready usih an ti…

Tlerhkongnak le ttantinakbu (alliance) heh tiah an dirh lenmi nihin kan dirhmun zoh ah vawlei raldai hi thinphan dai lo a si….

Crd: Dr. Sui Hingz

Be First to Comment

Leave a Reply

Your email address will not be published. Required fields are marked *