Press "Enter" to skip to content

Trump A Sung Tiah Official Tein Thanhnak A Um Hlan Cu Chim Awk A Tha Lo

Official in thanh hlan poah cu; US president thimnak nih cun an kan hloh ko. Mitkut zawng a cimter lo. US zawngah hin kum dang nakin vote a thlami zawng an tam deuh an ti. A tutiang dirhmun ah Trump dirhmun a thalo ngai in a lang rih. Sihmanhsehlaw, Tv channel le fake news tampi an um ve caah Biden nih votes a hmuhmi poah an thanh hmasa i Trump nih ahmuhmi tha tein an tanh ve lo ti si.

Biden an sang ter i Trump hi ahnu ah an chiah zungzal rih caah Biden 238 in 264 Tiang an phahter zawng ahhin TV cheukhat nih cun Trump nih teinak ahmuh ko, an chim duh rih lo caah a si an ti ve i vote hi state cheuhkhat hna ahcun ni 9 chun hna rel khawh asi an ti caah zeidek lawh te hnga? TV nih tialmi poah khi official a si dih theng rih lai lo.

Cheukhat ve nih cun Trump nih state 27 chungin electoral vote 281 a hmuh i a tei an ti ve. Biden nih hin 257 lawng a hmuh khawh an ti. Rel cuahmah lio ahcun a fiangmi cu si lem lai lo nain Trump nih vote rel i din uu a ti ruangah si hnga dek maw? An rau chinmi a lo.Trump nih electoral vote a hmuh ko an tinak hna state han cu;Alabama – 9, Arkansas 6, Florida 29, Georgia 16, Indiana 11, Idaho 4, Iowa 6, Kansas 6,Kentuky 8, Louisiana 8, Michigan 16, Mississippi 6, Missouri 10, Nebraska 5, North Carolina 15, North Dakota 3, Ohio 18, Oklahoma 7, Pennsylvania 20 , South Carolina 9, South Dakota 3, Tennessee 11, Texas 38, Utah 6, West Virginia 5, Wyoming 3 le Alaska 3 an dihlah ahhin 281 si an ti ve.

A donghnak official In an thanh hlan ahcun chim awk a tha lo. Thil hi aa thleng komi si ko. Electoral vote hi 538 lawng um ko caah a dang vialte Biden nih a lah dih zawngah 257 lawng an co ko lai an ti ve. Ruahchannak he dawh vawlei caan cu kan hman ko hna hih. Biden le Trump nih nih an p ahnih tein court ah kal an ngamh veve I teitu ah an i ruah veve caah buainak chuak lo dingin thlacam hau ko. Credit: Joel Pengthang

Be First to Comment

Leave a Reply

Your email address will not be published. Required fields are marked *