Press "Enter" to skip to content

Trump Fapa:Nih a dongnak bik a chim mi bia cu’Uar a um hrinhran.

Trump nih mee rel ngol dingin file a chiah tiah theih asi. Cu kong he pehtlai in buai dawh a lo pah. Tutiang result ning ahcun Trump cu Biden nih tei dawh a si cang. Nain mee relnak kongah Trump le a hawile an lung a tling lo. Pennsylvania le Michigan state ah vote an relmi ngol dingin file a chiah tiah theih a si.

Campaign observer nih mee an rel lio zohternak nawl biaceih zung nih upadi an chuah hlan tiang mee hi rel lo dingin Trump lei nih file an chiah. Trump fapa Eric Trump nih Kan mee kuang zohtu pawl mee kuang zohter an duh hna lo inn chung zong luhter an duh hna lo’ tiah a chim. Hrokhrol an itim tiah a chim.

Trump campaign nih an hrokhrolnak tette an chuahpi lo, nain Detroit le Philadelphia ah mee an rel lio naihniam tein meekuang zohtu pawl an zohter duh hna lo tiah sual an puh hna. Trump lei nih file an chiahmi cu Brennan Center’s Voting Rights and Elections Program director a simi Myrna Perez nih hnahnawhnak menmen a si. Mee relnak lamthluan hi vaivuanhter duhnak menmen a si tiah a ti ve.

Biaceih zung nih biapi ah chiah dawh an si lo. Biden campaign nih Trump campaign nih an ap mi (file) lawsuits cu zaangfak a si tiah an leh ve. A tutiang teitu fianlo hi cu zeitik kum hmanh ah a um ballo, thawngfiang lawlaw theih zau um hram koseh. A thangchom thawng thanhkhawh piak kan zuam hnalai. Lungsau thinfual tein carel tu cungah kan I lawm. Credit: ABC News

Be First to Comment

Leave a Reply

Your email address will not be published. Required fields are marked *