Press "Enter" to skip to content

Trump Le Ngeihthiamnak : Minung Zeizat Dah Ngaihthiam Khawh An Si?

𝙒𝙚𝙙𝙣𝙚𝙨𝙙𝙖𝙮 𝙞 𝙏𝙧𝙪𝙢𝙥 𝙣𝙞𝙝 𝙖 𝙣𝙖𝙩𝙞𝙤𝙣𝙖𝙡 𝙨𝙚𝙘𝙪𝙧𝙞𝙩𝙮 𝙖𝙙𝙫𝙞𝙨𝙚𝙧 𝙝𝙡𝙪𝙣 𝙈𝙞𝙘𝙝𝙖𝙚𝙡 𝙁𝙡𝙮𝙣𝙣 𝙖 𝙣𝙜𝙖𝙞𝙝𝙩𝙝𝙞𝙖𝙢 𝙝𝙣𝙪 𝙞𝙣 𝙘𝙪𝙣, 𝙅𝙖𝙣𝙪𝙖𝙧𝙮 20 𝙞 𝙒𝙝𝙞𝙩𝙚 𝙃𝙤𝙪𝙨𝙚 𝙖 𝙘𝙝𝙪𝙖𝙝𝙩𝙖𝙖𝙠 𝙝𝙡𝙖𝙣 𝙖𝙝 𝙖 𝙨𝙞𝙣𝙞𝙣 𝙣𝙜𝙖𝙞𝙝𝙩𝙝𝙞𝙖𝙢𝙣𝙖𝙠 𝙖𝙣 𝙨𝙤𝙠 𝙡𝙪𝙡𝙝 𝙘𝙤𝙡𝙝, 𝙩𝙞𝙖𝙝 𝙩𝙝𝙚𝙞𝙝 𝙖 𝙨𝙞.

“Hi sual ngaihthiamnak hi zeihmanh nih a kham khawh lo mi President pakhat i a nawlngeihnak pakhat a si,” tiah administration official hlun nih a chim. Ngaihthiamnak a halmi cazin lakmi a donghnak an tuah cang, tiah Reuters nih a chim.

Ngaihthiam khawhnak nawl hman i Trump nih ai lunghmuihpi ngai ko lai nain, tutiang ah cun sumreng ngaiin ngaithiamnak a tuah ko rih. Office i kum 4 rian a tuan chung i ngaihthiamnak a tuahmi hi voi 44 te lawng a si rih. Obama nih khan cun kum 8 chungah minung 2,000 lenglo a ngaihthiam hna, tiah the Pew Research Center nih a chim.

White House i caan tlawmte lawng ai ngeihmi chung i ngaihthiam ai timhmi miluzat Trump nih zapi theih in a langhter lo. Russia nih 2016 election a hnahnawh a pek kong hlathlainak a tuahtu Special Counsel nih an sual a phuah khawhmi hna Michael Flynn hei ti bantuk Trump a minung pawl lawng si lo in, midangpi zong a vun ngaihthiam te khawhmi a si, tiah a cheukhat mifim pawl nih an ruahnak an chim.

𝐙𝐞𝐢𝐛𝐚𝐧𝐭𝐮𝐤 𝐧𝐠𝐚𝐢𝐡𝐭𝐡𝐢𝐚𝐦𝐧𝐚𝐤 𝐧𝐚𝐰𝐥 𝐭𝐡𝐞𝐧𝐠 𝐭𝐞 𝐜𝐮 𝐝𝐚𝐡 𝐏𝐫𝐞𝐬𝐢𝐝𝐞𝐧𝐭 𝐧𝐢𝐡 𝐚𝐢 𝐧𝐠𝐞𝐢𝐡? : 𝗦𝘂𝗮𝗹 𝗻𝗴𝗮𝗶𝗵𝘁𝗵𝗶𝗮𝗺𝗻𝗮𝗸– federal he ai pehtlaimi sualphawtnak a ngaihthiam khawh. Legal tein ngaihthiam an si. Nehhu i dantatnak a um kho mi zong a donghter. Vote pek khawhnak asiloah public office i cuh khawhnak rights zong a nunter than.

𝗗𝗮𝗻𝘁𝗮𝘁𝗻𝗮𝗸 𝗮 𝗵𝗺𝘂𝗮𝗹 𝗻𝗲𝗺𝘁𝗲𝗿𝗱𝗲𝘂𝗵 𝗻𝗮𝗸– Hi nih hin sual dantatnak a neemter deuh. Sual ngaithiamnak le dantatnak nemterdeuh nak nawl hi US Constitution nih president kut ah a pekmi nawlngaihnak an si veve.

An hmantuk lem lo mi ngaihthiamnak phunhnih a um rih: cawiliam dingmi a zat thumhpiaknak a si i, phaisa cawi dan an tatmi hna a zat thumhpiak an si. Cun pakhat a tang rih mi cu, dantat colh rih lo in dam lo ruangah cawtawite chung (lawlawse) ngaihthiam chung an si.

Tazacuainak taitai dah ti lo in cun, US ralchanh in dohdalnak an tuahmi ngaihthiam khawhnak, asiloah lawlawse ngaihthiam chung ta rihnak nawl hi US Constitution nih office a thu lio mi president kut ah an pekmi nawlngeihnak a si.

Mi pakhat hi federal crime a buarmi, asiloah federal crime ruang i tazacuaimi a si zongah President nih a ngaihthiam khawh. Rian ai dim chom ding a si mi president ko nih hin sual ngaihthiamnak an tuah khun tawn.

𝘼𝙨𝙞 𝙖𝙝, 𝙖𝙝𝙤𝙙𝙖𝙝 𝙏𝙧𝙪𝙢𝙥 𝙣𝙞𝙝 𝙖 𝙣𝙜𝙖𝙞𝙝𝙩𝙝𝙞𝙖𝙢 𝙧𝙞𝙝 𝙣𝙚 𝙡𝙖𝙞? : Trump nih a ngaihthiam rih theu hna lai, tiin US media nih an zumhmi hna cu Trump adviser hlun Rick Gates le George Papadopoulos si dawh an si. Russia kong hlathlainak he pehtlaiin cozah lei biathli kongah Special Counsel Robert Mueller nih taza a cuai hna caah thong thlak dingin bia an chahpiakmi hna an si.

“Amah ca i rian a tuantu pawl zeitluk in dah kan temtuar, ti hi President nih a theih ko. Cucaah, sual ngaihthiamnak a tuah tikah cu ka dirhmun te cu zawn a kan ruahpiak theu lai, tiah ruahchannak kan ngei,” tiah Gates nih a chim. Cu a chimmi cu NY Times nih a vun thlah chin.

“A ka ngaihthiam ah cun kai lawmtuk ko hnga,” tiin kan hnung thla ah khan Papadopoulos nih a chim. Ngaihthiam dawhdang a si rih mi ah Media nih an ruahmi cu Paul Manafort hi a si ve rih i, anih hi Mueller i hlathlainak a tuahmi chungah i hmaithlakbikmi pa a si.

Lih tazacuainak le a thlithup cawlcanghnak a tuah ruangah Manafort hi kum 7 thong tla dingin bia an chahpiak. Kum khat lenglo cu thong a tla manh i, Covid-19 tih ruangah a lim rih lo mi a rian tuan awkah inn ah an umter chung rih.

Asinain, ngaihthiamnak kong hi President a minung le a zumhraihmi pawl he lawng ai pehtlaimi a si lem lo. Rithaisi ruangah le phaisa dehhlennak ruangah thong a tlami an hawi le a zaza in an um i, cu hna cu ngaihthiam ve dingin Criminal justice reform tuah dingin a cawlcangmi phu pawl nih Trump a maakpa Jared Kushner le adviser cu tu le tu an ton hna.

𝗠𝗶𝘇𝗲𝗶𝗱𝗮𝗵 𝗮 𝗻𝗴𝗮𝗶𝗵𝘁𝗵𝗶𝗮𝗺 𝗰𝗮𝗻𝗴 𝗵𝗻𝗮? : Chanthar US President vialte lakah Trump hi sual ngaihthiamnak a tuah tlawmbik a si, tiah the Pew Research Center nih an chim. Nihin tiang hi sual a ngaihthiammi hna hi 28 an si i, dantatnak hmual a nemterdeuh piak mi hna hi 16 lawng an si rih. Cu hna cu a tanglei bang hin an si:

• Roger Stone – caan saupi a hawi a si cang i, ni kum ah khan Congress ah lih a chim caah le tehte an hmanmi minung a hrocer caah thong thla dingin bia an chiahpiak. Tu kum July in khan dan an tatmi a nemterdeuh than cang.

• Arizona i a thangbikmi sheriff Joe Arpaio – Document ai ngeih lo mi mipeem pawl tlai lo dingin tuanvo a ngeimi police pawl nawl a pek hna ruangah, na rian na upat lo, tiin dan an tat ko nain, ngaihthiam a si than cang.

• Former vice-president Dick Cheney Ii a chief of staff Scooter Libby – media sinah cozah biathli a phakmi kongah lih a chim caah dan an tat nain, ngaithiam a si ve cang.

• Nunau vote pek khawhnak covo a aupitu Susan B Anthony (1873 lio minung a si) – 1873 lio ah phungbuar in vote nak pek, an ti i dan an tat. Kum tampi a rauh hnu ah a tu bantukin ngaihthiam a vun si ve than cang.

• Crystal Munoz, Judith Negron and Tynice Hall – annih hi fanau ngei an si i, rithaisii ruangah le, office rian kongah dantat an si i, Kim Kardashian nih an case cu President sinah a kalpi i, an huahmi dantatnak cu a thumhpiak deuh hna.

𝗖𝗵𝗮𝗻𝘁𝗵𝗮𝗿 𝗨𝗦 𝗣𝗿𝗲𝘀𝗶𝗱𝗲𝗻𝘁 𝗹𝗮𝗸𝗮𝗵 𝗮𝗵𝗼 𝗵𝗶 𝗱𝗮𝗵 𝗦𝘂𝗮𝗹 𝗻𝗴𝗮𝗶𝗵𝘁𝗵𝗶𝗮𝗺𝗻𝗮𝗸 𝘁𝗮𝗺𝗽𝗶 𝗮 𝗽𝗲𝘁𝘂 𝗮 𝘀𝗶 𝗵𝗻𝗴𝗮? : A pe tambik tu hi Franklin Delano Roosevelt a si i, 1933-45 karlak president a tuan chungah minung 2,819 a ngaihthiam hna, 488 an dantatnak a thumhpiak deuh hna.

Harry Truman (1945 le 1953 kar) nih minung 1,913 a ngaihthiam hna, 118 an dantatnak a thumhpiak hna. Barack Obama (2009-2017) nih minung 212 a ngaihthiam hna, 1,715 an dantatnak hmual a thumhpiak hna.

Chantar US president lak i Trump tluk in ngaihthiamnak lei ah a khiarcaar ngaimi cu George HW Bush a si i, 1989-93 kar i a ngaihthiammi hna hi 74 an si i, dantatnak a thumhpiak mi hna hi 3 lawng an si.

𝗧𝗿𝘂𝗺𝗽 𝗻𝗶𝗵 𝗺𝗮𝗵 𝗹𝗲 𝗺𝗮𝗵 𝗻𝗴𝗮𝗶𝗵𝘁𝗵𝗶𝗮𝗺𝗻𝗮𝗸 𝗮𝗶 𝘁𝘂𝗮𝗵 𝗸𝗵𝗼 𝗹𝗮𝗶 𝗺𝗮𝘄? : 2016 US election hi Russia nih a hnursuan, tiin ni kum ah khan Mueller nih a tuahmi hlathlainak nih donghnak a tuah. Asinain, Moscow le Trump campaign team karlak ah sual phawt awk tlak ngaingai in buarsomi tehte a um lo.

Mueller i hlathlainak a tuahmi capar in a chuah hlan tein khan mah le mah i ngaihthiamnak nawl ai ngeihnak kong Trump nih a chim cang. Asinain, president pakhat nih cu bantuk nawlngeihnak a ngeih le ngeih lo kongah Constitutional scholars pawl an hmuhning ai khat hna lo.

Mah le mah i ngaihthiam khawhnak phung ngaingai a um hi a fiang lo pinah, aho US president hmanh hi mah le mah sual ai ngaithiam mi le an um bal fawn rih lo. “Mizei hmanh hi a konglam ah biaceihtu a si lai lo” timi phunghrampi ningah, 1969-1974 lio i President Richard Nixon White House a thut lio zongah khan amah le amah a sual ngaithiam kho lo, tiah Justice Department nih an chuahmi ruahkhaannak a um. Cucu legal experts cheukhat nih an vun laak chin.

Mah le mah vun i ngaihthiam taimai cu ai ningcang lo ngai ko hnga nain, mah le mah i ngaihthiam khawh a si lo, tiin Constitution zong nih a chim ve bak fawn lo, tiah a dang experts pawl nih an chim ve.

Be First to Comment

Leave a Reply

Your email address will not be published. Required fields are marked *