Press "Enter" to skip to content

Trump nih dan a kan tat hoi: US tlawn a duhmi $15,000 bak chiah hau cang lai

Trump nih dan a kan tat hoi: US tlawn a duhmi $15,000 bak chiah hau cang lai
+++++++++++++++++++++++
US a tlawng i a tang behmi an tam ruang ah December 24, 2020 thawk in Myanmar rammi US tlawn a duhmi poah nih aa-ma-khan caah bond US dollar $15,000 bak chiah chung a hau cang lai. Caan rikhiahmi chung a kir lomi poah cu $15,000 an sung beh lai, a kirmi cu pek than dih a si lai. Student visa in a kalmi cu bond chiah a hau lai lo.

Dantat a tongmi hi Myanmar lawng a si lo, a dang ram sifak 23 an i tel ve. Trump a policy a nun chung cu Laimi nih US um chungkhar tlawnkai a har deuh chin lengmang lai tinak a si. Salai Lungthli Tum

Thawngpang dang relchap >>>>>>>>>

Coronavirus Khamhnak Sii A Ser Tu Dr. Ugur Sahin Le Anupi Konglam Hi Relphu

Plizer Covid-19 zawtnak khamhnak kakuaise a serhchuahtu hna cu siibawi Dr. Ugur Sahin le anupi an si. Plizer Covid-19 hi atu tiangah hmual a ngei bik le zumhawktlak bik Covid-19 kakuaise asi. Dr. Ugur Sahin hi Turkey ram chuah a rak si, anu nih kum 4 asi ah a pa riantuannak Germany ah a rak pempi hna. Dr. Ugur Sahin hi Muslim biaknak a biami asi. Hlan lio mipem pa nih hi tlukin vawlei cung a nawnnoktu Covid-19 kakuaise a serhchuah khawhmi cu mipem mithmai a cawisang taktak.

Hi siibawi pa le nupi nih an serchuahmi kakuaise cu 2020 dih hlan ah USA ah chunh thawk dingin CDC nih a tial. Aho pawl dah an chunh hmasa hna lai, siloah usapek an si lai timi cu an chim lo. Sihmanhsehlaw a fiangmi cu fawile bai ah zapizarang chunh khawh asi dawh in a um lo. Siibawi pawl, siisaymah pawl, ralkap, palik, tar, ngandamnak tha lo pawl chunh hmasa dawh an si. Hngakchia kum no hna pawl chunh le chunh lo ding cu hlethlainak tuah chap a hau rih men lai tiin CDC nih a tial.

The Food and Drug Administration nih a lungtlinpi bakin kakuaise phorh le phawtzam colh khawh dingin United vanlawng pawl cu tuni ah an zuang thawk cang ti asi. Kakuaise chunhnak biatak tein an tuah khawh hlan caan karlak cu hmaihuh ihuh, kut i tawl pah lengmang le mibu hrial rih kan hau ko lai. By – Salai Z T Lian

Be First to Comment

Leave a Reply

Your email address will not be published. Required fields are marked *