Press "Enter" to skip to content

Trump Nih US Ram Tuanbia A Hrawh Mah Bantuk Minung Hi Maw Pathian Thimmi Nan Ti Khawh

Trump cu Atu chun a thil tuahmi ruangah president sinak in phuah dawh a si cang. Atu chun thil a cang hnu cun a hawi le tampi nih an kal tak hoi. Saul siangpahrang bang in a chung ah thlarau ttha lo a lut ciammam I buainak lawng a chuahpi Ko ne rawh hi. Ka rak chimmi a hman Ko lo maw? US president vialte lak ah tuanbia chiakha tambik a ttialtu ah a chuah cang. Mah bantuk minung hna Pathian nan thimter le hmanter nan puhmi hi cu Pathian a lawm lai lo. Laipawl, Trump ttanhtu vialte rawl ulh in nithum chung thla rak cam uh, Trump le Republican Party nan ttanh ruangah.

US ram tuanbia ah a um bel lomi, Capitol innpi an luh hnawhmi cu, Pathian nih a thimmi, a hmanmi, le a umpi tiah nan ruah i thla nan campiakmi, Trump le a minung pawl nih an tuah ko khi. US mipi nih vote an pekmi an upat lo zong a si pinah US democracy uknak zong zeiah an rel lo a si i a mui an chiatter zong a si fawn. Bawi Zisuh le a zultu hna, le profet hna nih cun mah bantuk tuah ding in mi an forhfial bel hna lo i an cawnpiak fawn hna lo, anmah pumpak zong in an tuah bel lo.

Bawi Zisuh cu amah vailam ah a tahtu hna hmanh kha an sualnak a ngaihthiam hna. β€œJesuh nih aa thawh i, β€˜Ka Pa, ngaithiam hna. An tuahmi hi zei a si ti awk an hngal lo,’ tiah a ti” (Luka 23:34). Bawi Zisuh, a zummi le a zultu hna nih cun buainak le that lonak tuah cu tha kan pe bel lo. Kan hrial zungzal. Midang zong tuah ding in kan forh bel hna lo. Bawi Zisuh le a zultu hna, le profet hna nih din lonak le sualnak cu mah bantuk phun buainak (violence, insurrection) hmang in an do bel lo. Atu chun i buainak a tuahtu pawl khi Khrihfa biaknak ah a biatak lomi lawngte an si ko lai.

Khrihfa mi nih cun remnak, daihnak, le dinnak hna hi kan dirpi pengmi an si/kan ttanhmi an si. Sualnak le din lonak zong buainak le thahrum hmang in doh kan i zuam bel lo. Atu chun i buainak le thil zohchia a tuahtu pawl khi, Bawi Zisuh cu vailam ah tah ko uh tiah a aumi pawl he an i lo bak/an i khat bak. Trump, a duhfaknak le a hakkauhnak ruangah mah tiang a chuak ko khi. Khuaruahhar ngai a simi cu, Trump a ttanhtu pawl nih a cahrang ah thla fak deuh in nan campiak deuhdeuh, thil ttha lo le sualnak tam deuhdeuh a tuah ve. A poi ngai ko. Mah hna thil tuahmi le timhtuahnak nih khin thimnak a phichuak cu zei hmanh a thlengter kho hlei lai lo. Credit: Van Tum

Be First to Comment

Leave a Reply

Your email address will not be published. Required fields are marked *